الصنفره السحريه لبياض الجسم(رووووعه لاتفوتكم)والتحضير بالصور

هذي الصنفره ماراح تصدقون نتايجها عقب ماتسوها...
اولا فوائدها..
-تزيل الجلد الميت بمنتهى الرقه
-تعطي نضاره موبطبيعيه للبشره
-تفتح اللون وتصفيه من اول استخدام فكيف لو تداومين عليها
-تعطي نعووومه خيااال للجسم مثل بشرة الأطفال
-تغذي البشره تغذيه طبيعيه لاحتوائها على العسل(معروف بتغذية البشره وترطيبها) و الليمون (يمد البشره بفيتامين سي ويفتح اللون) وفيتامين سي(نضاره فوريه للبشره) وزيت اللوز(صفاءوترطيب وتوحيد اللون) وماءالورد(نضاره وريحه وانتعاش)
هذا غير ملح الحليب الغني عن التعريف
وكريم كاب أفضل كريم اسكرب للجسم.
-ومع الاستخدام المنتظم اضمن لك انها راح توحد لك كل لون بشرتك باءذن الله
-مكوناتها معروفه للجميع ومامنها اي ضرر باءذن الله
-تقدري تستخدمينها لكل الجسم حتى الوجه والمنطقه الحساسه
-سعر مكوناتها مررره رخيص ومع ذلك هي فعاله جدا جدا
-أنا أنصح فيها العرايس بقووه
-واهم شيء اني ماابي منكم غير دعوه حلوه
-هذي الصنفره فكرتي يعني مهي منقوله ولا ملطوشه ومااحلل اي احد ينقلها من غير ذكر المصدر وصاحبة الفكره لان والله العظيم خلطتي حقت العرايس ماليه المنتديات وكلن ينسبها لنفسه حرام تعب الوحده يروح كذا...

والحين راح نبتدي

المكونات

يوكو ملح الحليب
السعر 6 ريال


كريم كاب
السعر 28 ريال
اسكينول بالخيار
السعر7ريال
(حاطه فيه نشا 3ملاعق كبيره...-مثل ماقالت حورالجنان ربي يجزاها خير-)
يوكو ملح الحليب
السعر 6 ريال
مكان الشراء بالرياض
مجمع السلطان التجاري



زيت اللوز المر
( الافضل لو من وادي النحل )
السعر 15 ريال
مكان الشراء بالرياض
أي عطار بسوق العويس

قناع eva B-white
بالترمس وقشر الليمون
للبشره الدهنيه ومنه للبشره الجافه
سعر العلبه(فيها قناعين) 8ريال

مكان الشراء بالرياض
مجمع السلطان التجاري


جل اسكرب الليمون للتفيح
السعر 25 ريال
كريمين من ايفا بي وايت
اللي فوق للنهار باللون البنفسجي فاتح
واللي تحت كريم الليل باللون العنابي
(بالترمس وبروتينات اللبن والخيار)
الاثنين سعرهم 18ريال
مكان الشراء بالرياض
مجمع السلطان التجاري



عسل نحل أصلي


ماء ورد


حبوب فيتامين سي 500ملغم
(العاديه موجوده بكل بيت وسعرها مو اكثر من 7ريال)


ليمون طازج

نجي الحين للطريقه

نخلط هالكميات مع بعض..

3 ملاعق كبيره كريم كاب
3 ملاعق كبيره يوكو ملح الحليب
3ملاعق كبيره عسل نحل اصلي
4 ملاعق كبيره زيت لوز مر
4 ملاعق عصير ليمون
فنجان قهوه ماء ورد
نص فنجان قهوه نذوب فيه حبه وحده فيتامين سي مطحونه ونضيفها للخلطه
اذا حابين الخلطه تكون للجسم فقط نضيف عليها 4 ملاعق جل اسكرب الليمون لانه قوي ومايصلح للوجه والمنطقه الحساسه
اما اذا مااضفتوه عادي تقدرون تستخدمون الخلطه حتى للوجه والمنطقه الحساسه

إقرأ ايضاً :

نخلط كل هالمقادير ززززين بالملعقه لين ماتصير متماسكه زي الكريم بعدين نحطهم بعلبه نظيفه ونكون معقمينها علشان بشرتنا مهي لعبه

هذا الشكل النهائي للخلطه
7
7
7
7

ونقفل العلبه لحين الاستخدام
ونحطها بالحمام(ربي يكرمكم)

طريقة الاستخدام

بعد الشاور العادي بالمويه الدافيه والجسم بعده رطب نحطها على كل الجسم والوجه ونبدا نحرك حركه دائريه باليد مو بالقفاز راح تلاحظين ان الجسم بدا يتشربها لان المسامات تكون مفتوحه عقب الشاور بالماء الدافي
افركي جسمك بطريقه دائريه وشويه شويه مايحتاج بقوه...10 دقايق او ربع ساعه وبعدها تروشي بمويه فقط...وشوفي النتيجه...
راح تبهرك النعومه والنضاره والصفاء...

اهم شيء يابنات لا تدخلون ايدكم جوه العلبه اخذي منها بملعقه ويفضل تكون خشبيه او بلاستيكيه..

وعقب كذا تحطين الخلطه او الكريم المرطب اللي انتي متعوده عليه
انا أحط خلطتي حقت العرايس

وحطي لوجهك اسكينول مع النشا مثل ماقالت حور الجنان ربي يسعدها(هي قالت اغسلوه عقب ربع ساعه بس انا مااغسله عادي مايسوي شيء)

عدد مرات الاستخدام..
ممكن تستخدميها يوميا وهي مهي مثل التقشير العادي(قوي على البشره) هي عباره عن صنفره رقيقه ومليانه مرطبات علشان كذا مافي ضرر من استخدامها يوميا وافضل بالليل

نقاط هامه
-الترطيب عقب الصنفره مهم
-عدم الخروج للشمس بعد الصنفره الا بعد وضع واقي الشمس
-يفضل عمل الصنفره ليلا

عقبها راح تدعولي...

اتمنى اني اكون قدرت افيدكم...

هذا رابط خلطة العرايس حقتي اللي مازلت استخدمها للتحب تجربها مع الصنفره
http://forum.hawaaworld.com/showthread.php?t=537657