اناشيد لرياض الأطفال

صورة Blue eye

اناشيد لرياض الأطفال
عمو دهب
عمو دهب حكايته عجب
عنده بطة حلوة وجميلة
بتبييض يوماتى بيضه دهب
يروح يبعة ياكل كنافة يشرب جوافة
والبطة نايمة فى عشها
راح ودبحها ملاقاش بيض فى بطنها
قال يابطتى ياحسرتى اصل الطمع قل ما جمع

بندق
بندق بندق أخر شقاوة
ماما تنظف يرمى .الة
عيب يابندق فى الصندوق
دى النظافة من الأيمان

البطة
البطة لها جناحين
وعنيها مدورين
اول مابتصحى من النوم
تجرى على الميه وتعوم
يابطة كاكى كاكى انا جايه العب وياكى
بطة وبطة يبقوا اتنين وكمان بطة يبقوا ثلاثة

كان فى فار
كان فى فار اسمه كلاى
بيعزف ناى
شاف القط من الشياك
قام اتخض وكمان نط
قفل الشيش ودخل نام

كتكت
كتكت كتكيتو
كتكوت يتشاقى فى بيتة
بيزعل ماما الفرخة
ويضايق بابا الديكو
ويشد ريش كتكوته
وهى لسه صغنطوطه
والأبلة زعلت منه
قالت كلنا هنخاصمه
ولا هيلعب معانا
ولاالرحلة هنجيبوا

ارنب فشار
ارنب ارنب .... يافشار
ياللى كلمك كله هزار
اكدب اكدب مش هنصدق
الكذاب بيروح النار ويخصموه كل الشطار

انا عندى فرخة

اناعندى فرخة كبيرة..... بتبيض بيضتين فى اليوم
اكلهم واشبع بيهم ...... ساعة مااقوم من النوم
ماما بتنادى علينا ....... وتقول لنا ياحلوين
البيضة بتغذينا ........ مليانا بالبروتين