شعر عتاب حزين جديدة 2017

صورة شذى الزهور

أهلاً بكم في منتديات الوليد

حيث كل جديد ..


في قسم شعر و خواطر .. وضمن قسم ثقافة و ادب التابع لـ منتدىالوليد


خصصنا لكم مواضيع عن شعر عتاب
والكثير ...

زورونا
وستجدون كل ما يروق لكم ..//

شعر عتاب حزين جديدة 2017






راسك علامك رافعه يوم أحاكيك
الظاهر اني فوق حجمك عطيتك


لحظه نبي نرجع دقيقه لماضيك
بذكرك في أي حاله لقيتك


كان ضياع ودمعتين تخاويك
منهار وفي عز آنهيارك خذيتك


وأرخصت عمري لجل أحبك وأداريك
هدمت قصر الذل فيك وبنيتك




غلطانه أمي يوم على الطيب ربتني
تحسب ناسي مثل ناسها طيبين


قالت سامح كل من عليك يخطي
الناس تخطي وهم عن القصد ساهيين


مسكينه أمي من غير قصد ظلمتني
مادرت ان الطيب وحده المسكين


هذا يايمه واقع زمـــــــــــــاني
نفس اللي ضحك اليوم بكره يطعن بسكين



تحسب اني بجي عندك حبيبي وانحني لرضاك
ورب الكون ذا بعدك ولايمكن اسويها



أنا طبعي عزيز النفس مهما دارت الافلاك
بمشي نفسي بكيفي أبد مااحد يمشيها



محبه ماأبي منك محبه لو تجي برضاك
أبلعنها وبلعن كل شخص لي يطريها





لاعاد تسأل عن مصيري وتشتااق
فكر بنفسك لايهمك ضياعي


يمكن نعاتب بعضنا يوم الفراق
لكن عتاب ماوراه انتفاعي


مايستمر حب الرسايل والاشعار
وصعبه يجي بعد الفراق اجتماعي





من عيوني ماطلبت الا القليل
حاضر ممنون عنك بابتعد


بأنسحب بصمت مابترك دليل
وأوعدك بنساك وانسى للأبد


لاتظن البعد عنك مستحيل!!
لا ورب الكون واتحدى بعـــــد



قطعت الوصل ياشاطر قوي القلب تعجبني
تحسب انا ناطر وشوقك لي معذبني


انا ماهمني هاجر ولعب العيال ضحكني
ولكن خليك الصابر وعلى فرقاك عودني
علشان انساك بالاخر ومثلك ترى مايشرفني



وفر كلامك ووريني عرض الاكتاف
قلبي كره هجرك ولا هو بمجبور


ترى القلوب بطبعها شي شفاف
الكسر فيها صعب تلقى له جبور



ولا تحسب اني من الهجر بخاف
ياشيخ خذ قلبك وحبك ومشكور






خلك مع الي بالكذب يعطيك
وانا ترى بلقى ملاين شرواك


لاتحسب اني برخص النفس وبرجيك
مااذل نفسي لنفسك وشرواك



يحرم علي وصلك وقربك ولا اجيك
العيد عيدين وثالثهمفرقاك

=======================
نفـس الخطايـا والوجيـه أتشابـه
عابر سبيل ولاتعلـم : مـن الجـوع


ونفس السـؤال ولا لقيـت الاجابـه
تعبـت ادور للوفـا حـق مشـروع


ياكثرهم حولـي : عيـون الغلابـه
والحين انا في عينهم صوت مسموع


يالـي غيـابـه مايـبـرر عـذابـه
حبل الاماني شلون قد صار مقطوع


خنجر غيابك في ضلوعـي غرابـه
وألاغرب ان الشوق في شوفك أيفوع


قلبـي مثـل شايـب تذكـر شبابـه
قسى عليه الوقـت وسنينـه تلـوع


أعيـش حلـم واقـع الوقـت نابـه
ينهش ضلوعي دون رحمه ولا طوع


ذبنـي عيونـي تعتليبـك سحـابـه
وذنبك عيونك هلت عيونـي دمـوع


عـذري خطايـا بالعطايـا رحابـه
وعذرك نهاية حلم بالقلـب مطبـوع


يالي زرعتك ورد واصبحـت غابـه
وشلون تثمر شوك والورد مـزروع