الرئيسية » القسم العام » : كامري + سكسوكه + N70 + عطر + عشاء = ؟ ؟ ؟

: كامري + سكسوكه + N70 + عطر + عشاء = ؟ ؟ ؟


الــزمـان : يوم الأربعـاء التـاسـعه مسـاءا ً ....
المكــان : الريـاض ....
تعريـف لمن تـدور حـوله القضـيه
الأســم : بـدر
عمر بـدر : 23
مهنة بدر : طـالب جامعي
كامري بدر :
اللـون اســود
الموديـل 2006
طريقة الدفـع : اقسـاط على (ظهـر) ابو بـدر
عـداد البنزين: تحت الـــ e والجـيب مافـيه الا الرخصـه وريـاليـن
مـوقع السيـاره وصـاحبها: امـام صـراف بنك سـامبـا (الأمريكي سابقـا ً ) ينتـظر وصـول دوره لـكي (يشـفط ) مكـافـأته الجــامعيـة التي تقـدر بـ 834 و 60 هلله .
بدر وكامري بدر وبطاقة صراف بدر امام الصـرافه اللي بتنـشفط منـها 800 ريـال (كـاش منـي)
انشفطـت مكـافأة بدر من بطاقة صراف بدر بـــ يـد بدر .
(غمـض فتـح) واذا بـ بدر امـام محطـه الوقود
بدر : صديق عبي بنزين فـُــل .
صديق : اوكى (مع هزة رأس تقلـيــديـه).
وبعـد مرور دقيقـه و7 ثانيه امتلء خـزان الوقـود والمـقابل 36 ريـال
800 - 36 = 764 ريال
بعـد محـطة الـوقود (فتح غمض) واذا بـ بدر وكامري بدر امـام (التلمـيع السـاطـع)
45 دقيـقه بعد التلمـيع السـاطع
كامري تلمـع بدر يدفـع
764 - 150 = 614 ريال
انتهـينـا من كامري بـدر
سكسوكـة بـدر :
الزمـان : الساعه العاشـره والنصـف مساءا .
المكان : تقـاطع شـارع التحليـه مـع شارع التخصصـي بالتحـديد حلاق (هوليـوود)
بدر للــ حلاق : حبيب ألبي ابيك تـدلعنـي عندي موعد مهم الليله .
الحلاق لـ بدر : تكرم عينك مدام انتا بــ تـدفع احنا نـلمـع .
غمض عين سكر عين
150 ريـال لـ حبيب ألب بـدر .. يعني
614 - 150 = 464 ريال
سكسوكه عجــــــيبه
جهاز بدر ( n70بدر) :
الزمـان : الساعه الحاديه عشر مساءا ً
المكان : محـل همســات للأتصـالات - المرسـلات
بـدر يبي يستـبدل N70 بـدر بجهاز ثاني
N70 بـدر سعـره بـ 1100 ريال
والجـهاز اللي يبـي يستـبدل فيه .. سـعره 1440ريـال
يعني بـدر لازم يـدفع 340 ريـال فرق السعـر .... ودفـــع
يعنـي
464 - 340 = 124 ريال
غريــب هـ البــدر ...
عـطر بــدر :
الزمــان : الساعه الحاديه عشر وخمسه واربعون دقيقه مساءا ً
المكـان : الرواد للمستـلزمـات الرجـاليه - طريق العروبــه
وبعـد محـاولات لشراء العطـر المفضـل تم اختيـار عـطر بـ مبلـغ 120 ريـال .
نرجـع للحـاسبه ونقـول
124 - 120 = 4 ريـال فقط
عجــب عجــــــاب
عشــاء بـدر :
الزمــان : السـاعه الثانيه عشــر منتـصف الليــل .
المكـان : بوفـيـه بجــانـب البيـــت
باقـي المكـافـأة 4 ريـال و ريـالين في جيب بـدر هذي 6 ريال
وعشاء بـدر ثنـين شـاورمـا و واحـد بيبـسي بـ 5 ريال
وريــال حطـه في جيبــه للـيوم الأسـود .
بالعـافـيه يابــدر ولاتنســى تسمــي



- هذه الشخـصـيه الـدرامـيه هـل هـي فـعـلا ً تـوجـد فـي مجتمــعـنـا ؟؟
-هـل تصــرفـه بـهذه الطــريقــه السبــب فيــــه الأتكـــــاليــه وعـدم تحمــل المســؤوليــة ؟؟
ام هــي قــاعــدة ((حـلال عمــك لا يهــمك )) ؟؟ ام لأن المـال المصــروف ليــس من مجهـــوده ؟؟
- اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟
هل فعلا مصروف الشاب لايكفيه ؟ ويطير من يده بهذه السرعه ؟
هل متطلبات المعيشه (في الحياة العزوبيه) تستلزم صرف الكثير ؟-
ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟

النقاش مفتوح للجميع

ننتظر نقاشاتكم

تحيتي لكم

منقول

لا تعليقات

  1. غالي الاثمان
    اموت بالمواضيع الي نتناقش فيها


    بقول لك شي

    انا طالب بكلية التقنية


    استلم كل شهر 990 << افلقني اذا كل شهر



    الصراحه انا اشوف مثل حالات بدر


    لاكن بقول لك

    بدر اول ماخلص من البانزين وين راح ؟؟

    راح لتلميع

    هو طالب الحين ليه يشيل هم التلميع ؟؟ مايقدر يدخلها المغسله بـ 10 ريال !!

    والله يلمعونها لك احلى تلميع


    وبعدين ليه هالحلاق الي راح له ودفع هالمبلغ ؟؟

    مافيه حلاقين ينظفون الواحد ويطلعونه احلى واحد بالدنيا ماياخذ اذا كثر 30 ريال ؟؟!!



    وهل يعقل انه ماعنده عطورات ؟؟


    صدقيني ان غرفته كلها عطورات

    بس تبذير وعدم التفكير بالمسؤوليه ..


    بالاخير

    انا ماحب اتكمل عن نفسي كثير لاكن الحمد لله مكافتي اغنتني عن اشياء كثيره

    وابشرك اسلف ولا اتسلف


    بارك الله فيك

    وربي يحفظك ع الموضوع الرائع
  2. وهذا على فكره حال شبابنا

    وماسوى كذا الا لانوه اتكالي

    والله يسلم الوالد بيشفط منه كل يوم وعلى هالحال لين تجي المكافاءه الثانيه

    يعني هالمكافاءه صارت استراحه للـ بابا e014
    يعطيك الف عافيه على هالطرح المميز كتميزك دوما

    وبس

    {$.,}
  3. الموظوع جدا حلو..

    بس حبيت اقول...هذا شي طبيعي جدا

    واحد بعمر بدر وشي تبيه يسوي؟؟؟

    بالعكس انا اشوف ان معاه حق

    ومره حلو ان اهتمامات بدر فالاشياء هاذي

    لو كل الشباب الي في عمر بدر كانت اهتماماتهم بالكامري والسكسوكه والعطر بس

    كان صارت البلد احسن من كذا...

    بس المشكلة ان في ناس بعمر بدر واهتماماتهم اخطر بكثير جدا ما هالامور...

    وشكرا مره ثانيه على الموظوع الحلو.......
  4. نجلاء آل سعود
    ياويل حآلي مشآآركهـ بصرآآحهـ رآآئعهـ وتحكي لنآ الوآقع اللي يعيشهـ معظم الشبآب .. سـ آجآآوب على الآسئله بالرغم إن مآعندي آخوآن لكي آقيم نمط وطريقة معيشتهم ولـكن من البيئهـ المحيطهـ..

    هذه الشخصيه الدراميه هل هي فعلا توجد في مجتمعنا ..؟
    للآسف نعم ولكن آتمنى هالفئه تكون قليله ..



    هل تصرفه بهذه الطريقه السبب فيه الاتكاليه وعدم تحمل المسؤليه..؟؟
    ليس عدم تحمل مسؤليه ولكن الإتكآليه للآسف إن الآهل بالرغم من المصروف اللي يجي آولادهم من درآسه آو وظيفه يصرفون لهم مبآلغ آخرى آنا لآرفض ولآآمانع مسآعدة الاهل ولكن آحيآآنآآ تكون مسآعدة الاهل بمبااالغ كبيرهـ جدآآ ويحققون كل مآيتمنون وعلى هالموضوع كنت جآلسه مع آمرآه لديهآ ولد في 24 من عمرهـ موظف في آحدى البنوكـ ويستلم رآتب وقدرهـ 7000.. ولكن رغم كل هذآ هي من تسدد فآتوره جوآله ووآلدهـ هو من يدفع آقسآط سيآرته سؤال يطرح نفسه رآتبه بـ آيش يصرفهـ ..؟؟ وتفآجآت وسألتها وبكل بسآطه ردت علي الحين كل شيء غالي ورآتبه زين يكفيه الى نهاية الشهر وآنا مآبي ولدي يحتاج آو يتسلف آو يسرق ..؟؟ معقولهـ في نآس كذآآ آوكيه نتسآعد ممكن آسأعدهـ بس مو بـكل شيء يعني حتى والدته تحتاج مصروف ووالدهـ آيضآآ بإمكانه يقول لوالدته شهر بسدد جوالي والشهر الاخر إنتي تسددينه يعني ممكن تصير مسآعده من الطرفين .. والله إني جلست مع نآآس كثير وللآسف ظروفهم الماديه سيئه الوجبات السريعه اللي شبابانا يوميا يآكلونها ويستهينون بقيمة 20 آو 30 ريآآل للوجبه غيرهم مايقدر يدفعها وهي مبآلغ قليله فـمابلك بـ تلميع سيآره بقيمة 150 ريآل .. ممكن الشخص يستآآنس ويآكل ويشتري جوآآل ويسوي اللي يبيه ولكن بعقلآآنيه..


    ام هــي قــاعــدة ((حـلال عمــك لا يهــمك )) ؟؟ ام لأن المـال المصــروف ليــس من مجهـــوده ؟؟

    قد يكون سبب آخر..


    - اذا وصـــل الــشــاب الـى هـذا العمــر هـل من المعـقــول ان لا يكــون لـديـــه تـفـكــيـر عـقـلانـي نوعــا ً مـاا ؟؟
    مو كـل الشبآب آنا متأكدهـ إنهم فئه قليله جدآآ بإذن الله وإن شاءالله كل شآآب على هالحال ربي يحسن وضعهـ ويفكر تفكير عقلآآني ..
    هل فعلا مصروف الشاب لايكفيه ؟ ويطير من يده بهذه السرعه ؟
    فعلآآ آحيآآنآآ يكون المصروف قليل وآنا لاآرفض مسآعدة الآهل ولكن بشيء معقول يعني مثل حآلة بدر ليش يغير جوآله هو يمتلك جوال ينظر الى من هم آقل منه ..؟؟ يعني ممكن شهر آشتري جوآل والشهر الآخر آشتري شيء ثاني مثل العطر لكن مو كل شهر نفس الشيء على كذآآ آكيد بيكون مصروفه بالنسبه له ولـ هالفئهـ قليل جدآآ ..
    هل متطلبات المعيشه (في الحياة العزوبيه) تستلزم صرف الكثير ؟-
    مآآعتقد بالعكس آتوقع تكون حيآة العزوبيه ومتطلبااتها آقل من حيآته لما يتزوج ويكون عندهـ آطفال ..
    ماهـو رأيـك في النــوع الـذي يركـــض وراء اعتـــقــاد (( عيش يومــك وربك يحــلهـا )) ؟؟
    آنا من هالناس وفعلآآ آعتقآآد حلوو آو بما معنآآهـ آصرف مافي الجيب ويجيك ما في الغيب .. ولكن بحدووود آتمتع وآستاانس بيوووووووووومي لكن بالشيء المعقول آفكر بالآيام الجآيه وآحسب حسآآبهااا .. يعني مستحيل آصرف مثل صرفية بدر لآن إيشش رااح يبقى لي بعدهأأأ ..؟؟؟ إذا فكرت بجديه ممكن آقسم هالمبلغ صدق قليل ولكن آكيد لو تفاهمت مع آهلي مآرآح يقصرون بالعكس بيسآعدوني وبستآنسون مني إذا صرفتها بطريقه صحيحهـ.. آسأل الله في نهاية هالموضوع آن يهدي كل شآآب من هالفئه ويرزقه من حيث لايعلم ..

    نجلاء آل سعود :25//=:
  5. مشكوور اخووي غااالي
    على صراحتك بالرد..
  6. الله يعافيك اختي نووف
    وشاكره لك مروورك يالغلا..
  7. العفووو اخووي هشاام
    ويعطيك العافيه عالمروور..
  8. يعطيك العافيه اختي نجلاء ال سعود
    وشاكره لك ردك الجميل ..
Shares

شارك المقال

شارك هذا المقال مع اصدقائك