ﻔﺩﻴفديت صوتك فديتك شفتك عشقتك هويتك

سلام عليكم و الرحمه
شحالكم؟
هاي قصتي الثانيه
بعد قصة:
ڪڸ څپيپے ڷهے ڂپيپھے

الي خلصت و اسم قصتي الثانيه:

ﻔﺩﻴﺕﹲ ﺼﹺوﺘﮓ ﻔﹼﺩﻴﺘﮏ ﺸﻔﺘﱞﮏ ﻋﺸﻗﱠﺘﮎ ﻫؤﹲﻴﺘﮓ

بــ الآول ــارت:

تم تسجيل دخول راعـــية الــــماشي

m€Mz: هــآـــآــي!!
راعـــية الــــماشي: هــآــآــيز والله..^^..*!..كيفوو الحلوو؟
m€Mz: تمامز ربي يسلمج..من صوبج؟
راعـــية الــــماشي: يسرج حالي فديتج
m€Mz: بلاج تتفدين ماحيدج!
راعـــية الــــماشي: دبووه تولهت عليج وربي لج وحشه..=(..
m€Mz: خخخ عشان جي و انا اقول ليييش؟ قلت يمكن تتمصلح خخخ ماعليه قلبي بنرد باجر..=)..
راعـــية الــــماشي: ميميوه تبين الصدق؟
m€Mz: يس بليز
راعـــية الــــماشي: ماباج انتي ابا عزوز
m€Mz: مآآآآلت اراويج وياويهج تعالي مره ثانيه تفدي اوكيييه و بقول حق باباتي ابا اطول القعده هني..:@..!
راعـــية الــــماشي: لا والله اباج فديت ويهج والله..بلاج زعلانه؟
m€Mz: مومو مابتصدقييييييين حتا L
راعـــية الــــماشي: قوليلي بسرعه تراج تزيغيني
m€Mz: مومو انا..
راعـــية الــــماشي: لا تقولين انخطبتي
m€Mz: لا بسم الله علي…انا..
راعـــية الــــماشي: قولي ترا والله ما اكلمج
m€Mz: ناقصه نظر اهئ
راعـــية الــــماشي: *_*..حلفي
m€Mz: قالولي وراثه من ابوي بس بيتعدل مثل ماصار لبابا =)
راعـــية الــــماشي: سلامات فديتج..حبيبتي قوليلي صدق باجر بتردون؟
m€Mz: لا بقول حق بابا نبا نقعد موور
راعـــية الــــماشي: لا بليز بسوي اي شي
m€Mz: اي شي؟
راعـــية الــــماشي: يس
هزاع دش الحجره: ميميووه
مريوم: لبيه
هزاع: الكاليه تباج
مريوم: انا؟
هزاع: لا يدي
مريوم: حليلها يدوه صدق تبا يدي الله يرحمه المهم اوكيك قوللها الحين بيي
هزاع: لا تطولين يالحيوانه يلا باي
مريوم: ههههه جلب انجلع هناك
هزاع سكر الباب و نزل
m€Mz: اقولج بعدبن بحاكمج “الكاليه” تباني..بـ,ـر,ب
راعـــية الــــماشي سوتلها ندج
m€Mz: ؟
راعـــية الــــماشي: ويت بتروحين عند يدوه؟
m€Mz: ههههههه اذا سمعتج ترا بالخيزرانه هيه صح ماقلتلج يدوه مجهزه خيزرانه
راعـــية الــــماشي: اويييييييه غيرت رايي لا ترجعون
m€Mz: هههههههه دبه وحده
راعـــية الــــماشي: لحظه ميمو
m€Mz: واات؟
راعـــية الــــماشي: سلمي عليها
m€Mz: بتطلعين؟
راعـــية الــــماشي: اممم افكر
m€Mz: لا بليز
راعـــية الــــماشي: ليش تبيني؟
m€Mz: هيه عشان اعاقبج ترا والله ازعل
راعـــية الــــماشي: كله ولا زعلج اوكيكز تيت
نزلت مريوم تحت

ويت اعرفكم اول عالعايله الكريمه
عايلة بوبطي:
بوبطي-سعيد-: انسان طيييييب لدرجه غير معقوله حبوب فعز شبابه عمره 38 يحب عياله كلهم من الكبير لين الصغير و يدلع مريوم دلع ابد مب طبيعي راعي شركات و على نياته
ام بطي-غاليه-: هي بعد طيوبه و حبوبه و حلوه عمرها 37 عيونها عسليه و اكثر واحد تدلعه بطي و تموت فولدها عبدالعزيز
بطي: ريال البيت رقم ثنين طيب و يحب اخته مريوم متعلق فيها وااايد عمره 19 و مب مرتبط شعره ناعم بني غااامج عالاسود لين الرقبته و عنده خشم مثل السيف مشاءالله عن الحسد و براطمه يناسبون مع عيونه العسليه و خشمه و طالع على امه فالجامعه و يشتغل فشركات ابوه
مريم: دلوعة امها و ابوها البنت الوحيده فالعايله طيبه و اجتماعيه تحب الناس و لها سمعه تبيض الويه عطاري الويه هي طالعه ع اخوها بطي عيونها عسليه شعرها الي لين نص ظهرها لونه بني فاتح و خصل لونهم اشقر خبااال و بشرتها بيضه و عندها غميزات بارزه عمرها 16 فالثنويه حساسه و ماترضى او تسكت عن الغلط
هزاع: صف 9 راعي المشاكل عيونه عاديه بني غامج عالاسود و شعره بعد عادي بني غامج طالع ع ابوه و عمره 14
عبدالعزيز: اخر العنقود حلو خباااال احلى واحد فالعايله كللللللها عيونه نفس عيون امه عسليه شعره ياي عالاشقر عمره سنه

و هم الحين فماليزيا عشان خاطر مريوم ودوهم و شلو وياهم اليده(ام بو بطي) عشان تغير جو لين الحين مانست ريلها الي توفى الحين كمل تقريبا خمس سنين

مريوم: ها يدوه بغيتي شي؟
اليده: كم مره قايلتلج لا تناديني يدوه انا فعز شبابي قوليلي امايه
مريوم: انشاءالله مامي
اليده: الله يلعن اعداء الاسلام.. شو هاي بعد مامي قلتلج امايه
مريوم: انشاءالله امايه…بغيتي شي يالغاليه؟
اليده: هيه فديتج
مريوم: امري امايه
اليده: حبيبتي الحين كبرتي و مابقالج شي من دراستج بس تخلصين انشاءالله واحد حنطاوي حليو ياخذج
مريوم: لا يدووه لا لا من انا صغيره و انا اقول حق ماما مابتزوج و ابا احقق حلم حياتي
اليده: الي هو؟
مريوم: يدووه انا بسافر فالعالم كله يعني بصير تراثيه برجع البلد و انا شايله وياي كرامتي و شرفي و سمعتي و بعد ما اسافر ببنيلي بيت يمب بيت بطي عشان اسولف ويا حرمته…
بطي: و انتي منو قالج بتزوج ابا اعرف
مريوم عطته طاف: انزين و يوم بسكن فالبيت بروحي بسوي حجره حقج و حق ماما و بابا و بطوي و ولده و بسوي حجره حق عزوز بس…لا نسيت و باخذلي جلب جيواوا الكيووت بس بغيتي شي ثاني؟
حمدان: امايه جوفيها نادتج يدوه
و مريوم ماتلاقي الا بظربه عريله
مريوم: اخخخ يعور
اليده: العصا لمن عصى
مريوم بالالم: مثال جديم
اليده: يسي حبيبتي
مريوم: امايه يالسه اكلم بنت عمي مهاري
اليده: هيه كله بس عسب السمن
مريوم: هههههههه يدوه اسمه المسن
اليده: و انا شدراني تراه شرات السمن…تعالي سويلي شي عقب سيري عند السمن مالج ابا اجوف ثقافتج
مريوم: انشاءالله امري امايه
اليده: فديتج صبيلي قهوه
مريوم: انشاءالله
صبتلها الفنيان كله و شردت فوق
اليده: ماعليه جذاك يصبون القهوه
مريوم و هي تزاعج من فوق: يمكن عزوز ينش محد عنده
بطي: ههههه امايه ها كله عسب السمن
اليده: لا تعيب عليه ولا تراني….و ضربته بالعصا
بطي: ارحميني يدوه من الصبح تظربيني
اليده: العصا لمن عصى
بطي: والله مليت من هالمثال
اليده: اقوللك بطي شرايك…
بطي: ماما تناديني
و شرد عنها و دخل بوبطي الشقه
بوبطي: وينكم ياهل البيييييييت
اليده: تعال فديتك
بوبطي سار و حب راس امه و قعد: ها امااه تدللي
اليده اونها تصيح: يابوي جوف عيالك مايطيعون يتزوجون مايبوني اجوف عيال عيال عيالي قبل ما اروح
بوبطي: الله يهداج يايمه هاذيله بعدهم صغاريه , وبتجوفين عيال راشد و انتي يالغاليه عمرج طويل انشاءالله

والا بعد دقايق

مريوم تصارخ: عزوووووووووووووووووووووووووووووووووووووووووووووز!!!!!!
__
بيت بوراشد
عبدالعزيز: سيفو يلا بنسير
سيف: اصبر بلبس جوتيي
سلامه: انا بسير وياكم
سيف: لا انتي قعدي هني ويا خطيبج
راشد: هيه ماتبين خطيبج؟
سلامه: سيف انت اسكت ماعندك سالفه
عبدالعزيز: بتي ولا شو؟
سيف: يلا
و سيف و عبدالعزيز طلعو
راشد حط ايده عكتف سلامه:

محبوب عيني نور عيني أرضي من أحسانه قليله
معتاب فيه خلي ولا أرضي للناس ما بقىمثيله

سلامه استحت: اقول بروح اختار زفه من النت
و شردت

بعرفكم عالعايله قبل بـارت تو
أبو راشد-سلمان-: الي يصير اخو بوبطي هادي و مايحب يشتغل وايد و مب لازم اصفه او اصف شخصياته
ام راشد-موزه-: طيوبه حبوبه..ألخ ألخ
راشد: العود مابصفه بس بقول حلو عمره 21 و خاطب بنت عمه سلامه يشتغل
عبدالعزيز: شوي غيور بس طيوب و حبوب و يينن 18 و نص فالجامعه
فطوم و امون: توأم يشبهون بعض حليوات و ماعليهن رمسه عمرهم 13 صف
8

كـــــــــــــــت
توقعاتكم..؟
ليش مريوم تصارخ عزوز؟؟
و سيف و عبدالعزيز وين رايحين؟؟
و قوم بوبطي بيردون باجر ولا؟؟
شو رايكم بالبـــارت الاول؟؟
اكمل ولا؟؟
بتردون علي؟؟

بدون تعليقات
  1. مسلم الانصاري يقول

    شكرا على الموضوع
    ننتظر المزيد من الابداع

  2. بنت اسيا يقول

    بداية رائعة جدا

    تسلم الايادى على جمال القصة

    ننتظر التكملة

  3. عاشقهـ حياتي يقول

    بـ الثآآني ــارت:

    الكل يركض لفوق
    ام بطي من نص الدري: بلااااه ولدي؟!!؟
    هزاع: هاي كلبه يمكن ذبحته بالسجينه ترا سجينة الفواكه اختفت يمكن شلتها
    بطي ظرب هزاع عراسه
    و وصلو كلهم فوق و دخلو غرفة مريوم و لقو عزوز عافد علاب مريوم
    بطي: مالت عليج كل ها بس عسب لابج؟
    مريوم: يعع ماتجوف روانه عليه!!
    مريوم شلته و فرته عند امها
    مريوم: هاج توه ناش توني سويتله حليب فالمطبخ هذا
    و هزاع نزل عند يدته يطمنها و بطي انخش فحجرته و ام بطي سارت ويا عزوز بقا بو بطي
    مريوم: بابا
    بوبطي: هلا بابا
    مريوم: اليوم في حجز؟
    بوبطي: يمكن ما جفت ليش تبين تردين؟
    مريوم: هيه والله تولهت على مهروه و رهوف و سارونه
    بوبطي: اوكيه دام اني لابس بطلع الحين و بجوف
    مريوم حبت ابوها عخده: فمان الله
    بوبطي: فمان الكريم و قولي حق امج اني طلعت و برد
    و طلع
    ______
    بيت بوسيف
    بوسيف معصب: انت وينك ابا اعرف؟
    سيف: فالموول
    بوسيف: لا والله و يرد و بكل جرأه..شو تسوي و مع من ساير؟
    سيف: فمحل سندي باد عزوز مودني كارفور
    بوسيف: هيه اتحرا بعد يلا مع السلامه
    و سكر الفون
    ساره و هي تربع من بعد 20 متر: بابا بابا
    بوسيف: شوي شوي لا تطيحين
    ساره وصلت عند ابوها تلقط انفاسها: يا.بو.ال.بطا.قة
    بوسيف: اي بطاقه؟
    ساره و هي تعطي ابوها البطاقه: عرس راشد و سلموه
    بوسيف: زين حلوه..عطاري اختج وينها؟
    ساره: بيت عمي اونها سارت عشان تتأقلم وياهم

    عايلة بوسيف:
    بو سيف-سالم-: عصبي بس طيب اخو بوبطي
    ام سيف-سهام-: ماتحب عيالها يكونون صايعين و تحب البرستيج و هالسوالف
    سلامه: حلوه خطيبة راشد عمرها 20
    ساره: ويها ويه البيبي شوي دفشه تحب الاكشنات و ع أمها فثنويه ويا مهره و مريوم عمرها 16 و نص
    سيف: ربيع هزاع الروح بالروح ها شوي مصلحجي مغازلجي و ملسونجي عمره 14 و ويا هزاع صف 9

    ساره: بابا اليوم بتوديني عند مهاري صح؟
    بوسيف: امس رايحه و قبل امس رايحه
    ساره: اوهو بابا ماعندي حد ميميوه سافرت مب نفسنا معفنين فالبيت
    بوسيف: خسي بنت سالم تعفن فالبيت بسفرج هالسنه و بطلعج الحين بعد
    _____
    اليوم الثاني
    فالمدرسه
    حصة الانجليزي
    دخلت البنت الي الصف ابد ماتوقعو انها تدخل فهالوقت
    مهره صارخت و تمت تربع عندها: ميمي حبيبي تولهت عليج
    البنات كلهم صارو حولين مريوم و يسلمون عليها و يتحمدون لها بالسلامه
    برتجملكم..ابلة الانجليزي: احم جنه الحصه ماخلصت ولا انا اتخيل؟
    مهره: نووو مس ماخلصت
    الابله تزاعج عليهم: عيل يلسو فأماكنكم
    كلهم خافو و سارو يلسو بس مريوم تمت واقفه ويا الابله
    الابله: هاي مريم هاو ار يو استانستي؟
    مريوم: يس مس
    الابله: والله؟و دراستج؟
    مريوم: اتس اوكي باخذ الكتب من مهور و بنقل
    الابله: اهاا يو نو الشي الوحيد الي مهور تسوي تعلج علوج
    الكل: هههههههههههههه
    بعد الدوام..
    مريوم: اقول انا بروح الحين ابويه برع
    مهره: اوكيه باي
    مريوم دوم تتغشى بعد ماتطلع من البوابه هالمره يوم يايه بتتغشى طاحت عينها بعين واحد و سرحت شوي و بعدين استوعبت انها برع المدرسه و مب متغشيه فتغشت بسرعه بس الشاب تم يطالعها و ما نزل عينه
    …: اييييه انت شو تجوف؟
    …: هاه؟ ماشي يلا ركبي السياره
    …: لحظه شوي
    فرت شنطتها و ربعت
    …: مريوووم صبري شوي!!
    مريوم وقفت: هلا حياتي
    …: نسيتي هالكتاب
    مريوم: ثانكس بااي
    و دخلت مريوم السياره و ردت البيت
    __
    بيت بومهره
    مهره دخلت البيت: اميه ابويه مايه؟
    ام مهره: لا مايه ليش شوتبيبه؟
    مهره: اميه تعرفين قوم عمي سعيد يو
    ام مهره فرحت: والله؟ متى؟منو قالج؟
    مهره: والله اليوم مريوم يت و قالت امس ردو…نبا نسوي عزيمه
    ام مهره: لا مافينا عالعزايم انتي روحج ماخذيتي لج اشياء حق العرس متى تبين تسوين العزيمه
    مهره: انزين مريوم قالتلي انها يابتلي هديه بروح لهم اليوم يمكن شي ينفع حق العرس
    ام مهره: برايج هيه صح و انتي رايحه بتلاقين بطاقة عرس قوم راشد و سلامه شليها وياج مالتهم
    مهره: انشاءالله
    بومهره دخل الصاله
    بومهره: هلا بدلوعاتي
    مهره قامت و سلمت ع ابوها و ابوها حب راس امها
    بومهره: شكلج متحمسه يعني عرفتي؟
    مهره: هييييييه
    بومهره: انزين خليهم يرتاحون باجر روحي لهم
    مهره: مابا ملل فالبيت مشكلتكم حد قال لكم لا تيبون لي اخوان
    ام مهره: انزين واحد ياي فالطريج و احمد عندج
    مهره: انزين انا اتكلم عن حالياً ماعندي الي فالطريج مبسط فبطنج و احمد وينه؟ما يدخل البيت كله يطلع
    بومهره: هههههههه اوكي حبيبتي متا تبين تروحين؟
    مهره: بعد ساعه
    بومهره: تبيني اوديج ولا تبين احمد؟
    مهره: لا انت شكلك تعبان ابا احمد

    عايلة بومهره:
    بومهره-سلطان-: هو بعد اخو بوبطي و بوراشد و بوسيف طيب وااااااااايد راعي شركات
    ام مهره-شما-: طيبه ماتحب تضغط على نفسها او على غيرها و حامل فالشهر الثامن
    مهره: الوحيده طيبه خبله شوي بس مقبوله و حلوه تشبه ابوها بعدين بصف شكلها عمرها 16 و نص فثنويه
    احمد: هو ولد سلطان من ام ثانيه توفت يوم يابت احمد و ام مهره ربته و عاملته كأنه ولدها بس احمد مايتواجد وايد فالبيت ماله حس هااادي عمره 19 فالجامعه و اكثر واحد يطلع وياه هو بطي يخفي جماله من عمره 15 محد جافه من عمومه

    بومهره: كيفج
    ام مهره: يلا الغدى زاهب
    ______
    بيت بوراشد
    امون: فطوم حطي ام بي سي 4
    فطوم: ليش تجوفيني اطالع يعني
    امون: حطي بيعيدون الحلم الضائع الحين
    فطوم حطت ام بي سي 4
    دخل بوراشد البيت
    بوراشد: امف شو هالوساخه فري
    امون: مابا ابا اجوفه
    بوراشد: لا مافي سيرو تلبسو عبدالعزيز بيوديكم بيت عمكم
    فطوم: يع مابا اجوف شيفة سيفوه
    بوراشد: مب عمكم سلمان عمكم سعيد
    امون فرحت: اويييييييييه يو!!
    و ربعت تتلبس
    فطوم: حد بيي هناك؟
    بوراشد: هيه مهره بتسير و قوم بوسيف مادريبهم والله
    _____
    بيت بوسيف
    ساره: بابااااااااااااا
    بوسيف: الله يرحمج يا طبلة اذني..عونج
    ساره: ابا اسير بيت قوم عمي بوبطي
    ام سيف: ها الي فالحه فيه الحوامه بس
    بو سيف: برايج سيري
    سيف: انا بروح وياها
    بوسيف: وفرت انت الي بتوصلها بدال الخدامه يلا سير
    _____
    الساعه 4:30
    عبدالعزيز و امون و فطوم وصلو
    وراهم ساره و سيف
    مريوم و ساروه كانو برع يتريون مهره بس دخلت سياره عمرهم ما جافوها كانت سيارة اف جيه كشخه لونها ازرق و من فوق ابيض عليها رسمت النار بالابيض و المخفي مالها بالابيض و مكتوب عالجامه الاماميه راعــي الراب و من ورا السياره عالجامه مكتوب لا دوريه لا مطافي يروم يلحق راعـي الشاسي بس من مريوم و ساروه جافوها دخلو البيت على طول ماكانو لابسين شيل على بالهم عمهم بيب مهاري….
    عبدالعزيز يتريا بطي فالصاله الي تحت و وياه هزاع و سيف قاعدين يلعبون سوني هع و بعد عزوز الصغير
    مهره توها داخله: عزوووووووووووووز حبيبي تولهت عليك ياحبي انت!!
    عبدالعزيز العود كان مستغرب يطالعها بنظره يعني شو تقولين انتي
    مهره تقربت منه و نزلت
    عبدالعزيز استغرب اكثر
    مهره ردت وقفت و كان فأيدها عزوز الصغير
    عبدالعزيز كان مقهور يعطي عزوز نظرة احتقار
    مهره: عزوز عزوز عطني بوسه
    عزوز بدال مايبوسه لحسها
    مهره: هههههههه يع..
    بعدين مهره اتذكرت ان عبدالعزيز موجود و هزاع و سيف بعد
    مهره: خخخ سوري شحالكم؟
    عبدالعزيز و هزاع و سيف: تمام
    مهره: الحمدالله عسلامه هزاعوه..وين مريوم؟
    هزاع مندمج فاللعبه: الله يلسمج فوق ويا ساروه
    مهره: اوكيه يلا عزوز باااي..و نزلته
    عبدالعزيز تم يطالع عزوز: والله بتجوف شو بسوي لك ياحقير
    مهره و هي راكبه الدري بطي نازل
    بطي: هلا مهروه شحالج؟
    مهره: كوول انت؟
    بطي: مي تو وين احمدوه مانزل؟
    مهره: لا مانزل قال بعدين بيسلم عليكم فالعرس
    بطي: اللهم طولج ياروح
    و كملو طريقهم
    مهره اول مادخلت الغرفة لوت على مريوم جنها مب جافتنها اليوم الصبح
    مريوم: آه خنقتيني
    مهره هدتها و دققت فعينها
    مريوم: بسم الله ساروه لحقيني بتاكلني
    ساره: هههههههه ياهبوله معجبه فيج
    مهره: لا لا حاطه عدسات ملونه تعالي جوفي لون عيونها زيتيه
    ساره سارت عند مهره: هيه والله يجنن انا باخذلي عيل
    مريوم: لا ياهبله انتي ماحدرتي المسن ماقلتلج اني ناقصه نظر
    _____
    بطي: يلا قم مابتروح؟
    عبدالعزيز: انزين اسمع انت سير و انا بلحقك بسيارتي
    بطي: لا تبطي
    عبدالعزيز هز راسه بالايجاب و بطي طلع
    عبدالعزيز: اييه انت وين عزوز؟
    سيف لف على عبدالعزيز: قاعد اجوفه
    عبدالعزيز: سخيف وينه؟
    هزاع: سيفوه يلا بسجل قول عليك…و انت الثاني عزوز عند امي
    عبدالعزيز سار غرفة الالعاب: هود هود
    اليده: تعال فديتك
    عبدالعزيز: خالوه باخذ عزوز عنج شوي…و شلاه
    ام بطي: جيه شحقه؟
    عبدالعزيز لا بس بودي يلعب برع فالحديقه
    _____
    مريوم: ابا ايس كريم
    ساره: صبري بدق بطلبي اشياء مهاري تبين شي؟
    مهره: هيه ابا شبس و سفن اب
    ساره دقت حق الدكان و بندت
    مريوم: كم كل شي؟
    ساره: صفر ماعنده شي هالدكان معفن
    مريوم: احسن يلا عيل بنسير الجمعيه الي هني
    و لبسو عباياهم و طلعو
    فالسياره موقفين فالاشاره..
    مهره: مريوووم عباتج برع
    مريوم شهقت فجت الباب و دخلت عباتها و رفعت راسها عشان تسكر الباب بس طاحت عينها بعين واحد كان فاج نص الدريشه و كان يطالعها بعد سرحت شوي بعدين قطع حبل افكارها صوت السياير”بيب بيب” بسرعه سكرت الباب
    ساره: بلاج ميمي؟
    مريم: ماشي
    مهره: اوووه هاذو احمدووه
    ساره: وين؟
    مهره اشرت عسيارة اف جيه الزرقه
    مريوم فخاطرها و منصدمه: ها هو؟!
    ساره: كشخه سيارته هو الي وصلج لاه؟
    مهره: هيه

    كـــــــــــــــت
    توقعاتكم..؟
    عبدالعزيز وين بودي عزوز؟
    و بيصير شي فالجمعيه؟
    احمد وين متجه؟
    و بطي وين بيروح ويا عبدالعزيز؟

  4. عاشقهـ حياتي يقول

    بـــ الثالث ـــارت

    عبدالعزيز دخل بيتهم و وياه عزوز
    ام راشد: نور البيت عزوزي هني!
    عبدالعزيز: بعدين
    و وداه غرفته و شل كرسي طالولته و ياب حزام من حزاماته و ربط عزوز عالكرسي سكر كل اليتات و ياب ليت مال الدراسه و فجاه و جنه يحقق ويا حد
    عبدالعزيز معصب: عزوز
    عزوز: دادا
    عبدالعزيز: قول ما أحبج
    عزوز: زوز..يعني ينادي عبدالعزيز
    عبدالعزيز: لا قول ما أحبج
    عزوز: ماما
    عبدالعزيز معصب: قلتلك ما أحبج مب ماما
    عزوز: ممم
    _____
    فالجمعيه
    ساره: ابا حلاوة مارتيزرز
    مريوم: امشي سيده و لفي يمين بتحصلين قسم الحلويات
    ساره: اوكيك انتو تبون شي من هناك
    مريوم: لا لا انا بقعد هني ويا مهاري اذا سارت هذاك القسم بتتخبل بتلقط كل شي
    مهره: اهئ
    ساره: براحتكم
    و سارت صوب الحلويات
    ساره كانت منزله راسها تطالع وين الحلاوه و تمشي و تشمي و دعمت حد بالغلط
    ساره: سوري ماجفتك سوري والله
    … ابتسم لها: لا عادي مسموحه
    ساره رفعت راسها كانت تشكر ربها و بعدين لقت الحلاوه الي تباها و تمت تطالعها و تفكر كيف توصللها وايد عاليه
    …لاحظ انها تبا تاخذ الحلاه شلاها و عطاها ثلاث حبات منها و مد ايده يعطيها و ساره تمت تطالع ايده و بعدين رفعت راسها تجوف
    ساره: مشكور
    …: العفوو تبين شي ثاني؟
    ساره ابتسمت له: لا تسلم
    …ابتسم: مع السلامه ديري بالج لا تدعمين حد ثاني
    و سار
    ساره فخاطرها: الحمدالله على هاي الصدفه و النعمه
    مريوم تزاعج من بعيد: ساروووووه تعاااااالي!!
    ساره ترد عليها تزاعج: انزين دقيقه
    … كان فقسم المشروبات الي هو جريب من قسم الحلويات و سمع ساره ترد عمريوم فبتسم عرف شو اسمها
    و ردو من الجمعيه
    _____
    بطي: وينك ياجلب انا اترياك من الصبح اونك مابتبطي يلا تعاال
    عبدالعزيز: اوكيه خمس دقايق نسيت انت وين مره ثانيه؟
    بطي: فالموووول!!
    عبدالعزيز: اوه اوكي باي
    و سكرو
    عبدالعزيز: عزوز يلا مره ثانيه قول ما احبج
    عزوز: مابك
    عبدالعزيز و هو يفتح الحزام من عزوز: اففف عادي ينفع
    و نزل لقى راشد و اهله
    عبدالعزيز: احم
    ام راشد: اقرب و يب عزوز وياك
    فر عزوز عند امه و قعد يمب اخوه
    عبدالعزيز: ها ياخويه جاهز حق ورا باجر؟
    راشد: الا قول متحمس
    بو راشد: موزه دقي حق ساره و مريم خليهم ايون
    عبدالعزيز بعصبيه و يتكلم بسرعه: و مهره!
    ام راشد: اوكيه شوي شوي لا تقص لسانك
    و قامت و سارت الحجره عشان تدق
    راشد شك فيه و يبا يجوف شو ردت فعل عبدالعزيز: اقول عزوز اميه تفكر تخطب لك
    عبدالعزيز فرح: صدق؟ منو؟
    بو راشد: وحده اسمها شمسه
    عبدالعزيز عصب: لاااااااااااااا مابااااا بنت ماعرفها ولا تعرفني!!..قام و شل عزوز و طلع
    بو راشد: بلاااه ها؟
    راشد: مايبا شمسه من هو صغير و هو يكرهها ليش تربطونه فيها انا اقول احسن تربطونه ويا وحده فالعايله
    _____
    بيت بوبطي
    وصل عبدالعزيز و يوم وصل لقى ثلاث بنات لابسات عبي
    عبدالعزيز همس حق عزوز: قول حق دادا مهره مابك
    عبدالعزيز نزل عزوز: وين رايحات؟
    ساره: حشى علينا تونا رادين
    وصل عزوز عند مهره و مهره شلته: حبيبي عزوز و حبته عخده
    عزوز: مابك مابك مابك
    عبدالعزيز فخاطره: خخخ الحين بينكسر خاطرها و مابتحب عزوز و بتحبني هههههههه
    مهره: انا بك انا بك انا بك
    عبدالعزيز فخاطره: افففففف يالتيج تقولينها لي
    مريوم: اييييييييه انت اكلمك من زماان
    عبدالعزيز انهد: هاااااااااااااه خير؟
    مريوم: شو فيك
    عبدالعزيز: ماشي بس تعبت
    ساره: خالوه موزه قالت تبانا نيها
    عبدالعزيز: هيه صح تعالو عيل انا بسير بيتنا اوصلكم؟
    مريوم: احسن مره وحده
    ركب عبدالعزيز جدام و كلهم ورا
    عبدالعزيز: لا والله مريوم تعالي جدام
    مريوم: لا مهاري بتركب
    عبدالعزيز: يلا
    و ركبت مهره جدام
    فالطريج كانت مهره حاطه ايدها عالقير عبدالعزيز حط ايده فوق ايدها و دمع مهره بسرعه سحبت ايدها
    عبدالعزيز يزاعج: متى؟بس اريد اعرف متى؟قولي!!..و ظرب السكان بأيده
    البنات خافو سكتو
    مريوم خايفه: عزوز بلاك؟
    عبدالعزيز دموعه تنزل اربع اربع: ماشي ابا اعرف متى بنوصل
    و رص عالبريك
    مريوم: هد اعصابك وصلنا انزين
    و نزلو
    عبدالعزيز سار حجرته و البنات قعدو فالصاله يتريون ام راشد
    ام راشد: السلام عليكم
    البنات: و عليج السلام و الرحمه
    و سلمو و يلسو
    مهاري: هلا خالو تقولين تبينا؟
    ام راشد: هيه والله اباكم لو سمحتو حبيباتي مشاءالله عليكن شباب و تعرفن كيف تنسقون و حاله
    ساره: هيه الحمدالله
    ام راشد: انزين بغيت تزينون غرفة راشد حق اخت ساره
    مريوم: افا خالو على راسنا
    ام راشد: و انا فكرت قبل ماتيون ان لازم تاخذون اغراض
    مهاري: اكييد
    ام راشد: و عزوز قال انه بيطلع المول بعد شوي
    ساره: و تبينا نسير وياه؟
    ام راشد: هيه فديتكم
    مهره متضايجه شوي: بس خالو شكله متضايج و تعبان
    دش عبدالعزيز الصاله: لا مب مضايج يلا بنروح بطي يترياني هناك اصلا
    مهره نزلت راسها: انشاءالله
    و ركبو بس هالمره مريوم يلست جدام
    و مهره يلست ورا عبدالعزيز,,كان عبدالعزيز يطالعها بنظرة حسره و مهره ماتحس بشي ماتعرف وين الله حاطنها سرحاانه
    عبدالعزيز فخاطره: فديت هالويه والله آآخ قلبي يعورني
    وصلو المول
    و نزلو عبدالعزيز دق حق بطي و قاله ايي الباب الرئيسي عشان يتمون ويا البنات
    _____
    ام راشد: الوو السلام عليكم
    ام سيف: اهليين شحالج ام راشد؟
    ام راشد: بخير الحمدالله و انتي و العيال؟
    ام سيف: كلنا تمام الحمدالله
    ام راشد: الحمدالله…اقول شرايج مانخليهم يطولون فشهر العسل؟
    ام سيف: هيه والله انا جي فكرت قلت احسن بدال مايطولون فبلد الغرب
    ام راشد: نخليهم اسبوع و عقب يردون و بعدين نوديهم البر و اذا يبون يسيرون دبي او بوظبي
    ام سيف: هيه والله زين…ام مهره بتي يوم العرس؟
    ام راشد: هيه يحليلها بتتعب والله
    _____
    احمد قاعد فالبحر فخاطره و عينه تدمع: اففف شو هالحياااه؟؟!! ابا اسوي شي ينفعني عالاقل!! مابا احب مره ثانيه مابا اتدمر!!شو اسوي؟؟صراحه انا الي اسويه غلط هاذيله عمومي و عياله…المفروض انزل ويا مهره عندهم!!
    قام احمد و سار مكان مال القراج يغيرون ستايل سيارته يعني اللون و جي
    و خله من فوق ابيض من تحت اسود و و حط رسمه واحد يذبح الثاني الصوره لونها ابيض و لون الجامات ابيض فالجامه الاماميه مكتوب مثل قبل راعــي الراب و من ورا مكتوب:
    مليت انا من هالحياه قولولي متى بفتك منها حياتي كلها آلم كلها معانى و انا الحين كاره حياتي كلها
    باللون الاسود

    كــــــــــــــت
    توقعاتكم…؟
    احمد بلاااه؟
    عزوز ليش رفض بنت يرانهم؟
    بيصير شي فالمول؟
    و مهره بشو كانت سرحانه؟

  5. عاشقهـ حياتي يقول

    بـــ الرآآبع ـــارت:

    ساره: مهروووه!!
    مهره نقزت: هاه؟
    ساره: مريوم تكلمج
    مهره: هلا
    مريوم: بشو كنتي سرحانه فالسياره؟!
    مهره: ماشي
    ساره: الي ماخذ عقلك يتهنى به
    مهره: جب لاااه
    مريوم: عيل بشو كنتي تفكرين
    مهره لفت ورا تجوف عبدالعزيز و بهمس: عزيز
    مريوم بقصد تعلي صوتها: عزيز شو فيه؟
    عبدالعزيز الفضول ذابحنه الا يعرف عن شو يتكلمون: اقول بطوي تعال نتقرب
    بطي: من منو؟
    عبدالعزيز: البنات
    بطي بعبط: يا خبل هذيله يقربون لك شو بتغازلهم؟
    عبدالعزيز عطااه طاف و تجدم عندهن
    مهره منزله راسه و بصوت حزين: مادري شو فيه احس بالي يحس فيه تعبآآآآآآن و حزيييييين
    عبدالعزيز طلع من وراهم: مهاري
    مهره توترت: هاه؟
    عبدالعزيز: بعد شوي بتسمعين غنيه اهديها لج
    مهره: غنيه؟ وين؟ ليش؟ كيف؟
    عبدالعزيز: بتسمعينها هني فالمول كله فكل مكان بتسمعينها بتكون مني لج
    مهره: بس عزيز..
    عبدالعزيز رد عند بطي
    عبدالعزيز: بطوي يلا
    بطي: وين؟!
    عبدالعزيز: دق حق محمود اول
    بطي: ليش؟!
    عبدالعزيز: انته اسكت بس
    عبدالعزيز دق حق محمود: ياهلا ياهلا بالشيخ
    محمود: هلا فيك يالغالي هلا بولد البوس شخبارك؟ عساك طيب و الوالد؟
    عزيز: الحمدالله فديتك كلنا بخير و انته شو مسوي كيف الشركه فغيابنا؟
    محمود: الصراحه الشركه مظلمه من بدونكم خاصتن انت محد غيرك يسوي مشاكل هني و يحرك الشركه بكبرها
    عزيز: هع تسلملي والله..محمود طلبتك
    محمود: آمر ابويه
    عزيز: مايأمر عليك عدو بس بسألك تعرف وين المكان الي يحطون فيه اغاني فالمول؟
    محمود: هيه فديتك اعرفه ربيعي يشتغل هناكي
    عزيز: زين والله..انزين اريد اغني..اغني و عندي اللحن الي اريده..بس ابغي هالغنيه كل انسان فهالمول يسمعها
    محمود: افاا عليك يالغالي انا بدق حق ربيعي بقوله يقابلك فمكان و يوديك اي مكان تبغيه
    عزيز: تسلم فديتك..خله اييلي عند ستاربوكس انا بترياه هناك..يعرفني هو؟
    محمود: افاا كيف جي تقول..>.< ..مافي حد مايعرفك فديتك
    عزيز: ربي يخليك..يلا عيل مع السلامه دير بالك عالشركه
    محمود: و يخليك..ولا يهمك فديتك..مع السلامه
    و بند عنه
    بطي: بتغني؟!!!!؟
    عزيز: و ماعندي فرصه غيرها يلا بسرعه
    و سارو ستاربوكس و لقو ربيع محمود و سارو المكان الي يحطون فيه اغاني
    __
    ساره: ياااااي كششششخه ياحييج مهير..تتوقعون شو بيغني؟
    مريوم: اكيد من اغاني ميحد او عيضه او السامي او…
    مهره: بس!!..ماباه يغني شي!!..مادري والله شو بيسوي..>.< ..
    ساره: هدي انزين صدقيني بترتاحين بعد الي بتسمعينه
    مهره: الله يستر بـس
    __
    بطي: جاهز؟
    عزيز: شغل اللحن
    و شغلو اللحن و بدى عزيز:
    والله أحبك أحبك يشهد الله علي
    لما أشوفك ابتسم صدقني ماهو بيدي
    لاحاسد يقدر يبعدنا انا وانته لو شوي
    يا الله احفظ حبي لي يا الله ربي يا قوي
    مافي غيره سكن روحي حبيبي وانا حبه
    لو قالو تمنى اتمنى عمري قربه
    يعشقني يعشقني عذبني مرمرني وانا مالي سواه وانا مالي سواه
    يعشقني يعشقني يعشقني من قلبه وقال
    انا ادري يحبني بس شوي اتغلى عليه
    وغلاتي وغلاتي وغلاتي ياعمري تعال
    لو يطلب عمري كله والله عمري بين ايديه
    يفهمني من نظره من كلمه وانا بيدي دواه وانا بيدي دواه
    يفهمني يفهمني يفهمني وانا بيدي دواه
    انا الي احبه احبه ومن قلبي ابيه
    حبيبي حبيبي حبيبي وكل عمري معاه
    لو كل العواذل تفرق ماتقدر عليه
    ((يوسف العماني))
    __
    مريوم: يعشقني؟!
    ساره: يعشقني؟!
    مهره: …
    __
    بطي يصفق: ياعيني ياعيني لو صدق غنيت من كلماتك بس هع
    عزيز: كيف كنت اوكيه؟
    بطي: واو احسن من الاوكيه ياريال قاص ع عمرك انت
    عزيز: شــت نسيييت..>.< ..
    بطي: شو؟!
    عزيز: بطوي عطني رقم اختك بسرعه
    بطي: شو؟ ليش؟
    عزيز: نسيت اقول حق مهاري ليش غنيت يعشقني..>.< ..
    بطي: 050-#######
    عزيز طرش مسج حق مريوم::
    غنيت يعشقني لني اعرف مهاري بتفهمني
    __
    مريوم: لنه يعرف مهرووه بتفهمه
    ساره: اهااا..انزين..يعني..عزيز..يحب..
    مريوم و ساره: مهروووه!!
    مهره بعدها مصدومه: ..
    مريوم: مهره سمعتي؟ عرفتي ليش غنى يعشقني؟
    مهره: ..
    مريوم: مهرووووووووووه!!
    __
    بيت بوبطي
    سيف: اييه يابقره سير يبلي ماي
    هزاع: يقره فعينك سير انت ابا اسجل قول جوف 0-1
    سيف: بعطيك فرصه
    سار سيف
    …: هزاع
    هزاع: اففف فطوم مب وقتج عاد
    امون دمعت: انا اموون!
    و ركضت فوق
    هزاع ضرب يبهته: اففف لا حول
    يا سيف
    سيف: مصخره والله رحت و رديت حتى القول ماشي
    هزاع: اسكت ياخي دووك مليت
    فر القير عليه و سار فوق
    هزاع: اموون!!اموون!!
    اليده: تعال يالهرم
    هزاع سار قعد عند يدته
    اليده: شتبابها البنيه؟
    هزاع: اميه جفتيها مرت هني؟
    اليده: هيه فديتك سير شوفها كانت ترابع و تمطر عالنمل
    هزاع: اوكيه قوليلهم مايسونلي عشى ولا امون
    اليده: شعنه ماتسوي؟وين بتعشي بنت عمك ؟برع؟!
    و ضربته
    هزاع: اهئ يدوه بطلب هني بيبون لنا
    اليده: هيه اتحره..بتلاقيها فحجرة اختك
    هزاع مر الصاله
    فطوم: زين جي سويت؟انت شو مسوي باختي؟
    هزاع بدون نفس: فطوم لا تطولين لسانج عاللي اكبر منج
    فطوم تضحك بستهزاء: هههئ قال لا تطولين لسانج قال انا بطول لساني عاللي اباه و خاصتاً عاللي ماخذ اختي
    هزاع عصب: فطوووووم!!
    امون طلعت من الحجره و عيونها مليانه دموع و حمر و بصوتها المبحوح: خلا,,ص فطو,وم
    هزاع جاف امون و صدق ماتخيل جي يكون شكلها و السبه هو يوم بس قال مب وقتج و لخبط من بينها و بين اختها فج حلجه
    امون جافت هزاع يطالعها و هو مب مصدق دخلت الحجره و سكرت الباب
    هزاع: امون صبري!
    هزاع سار فج الباب شوي و وايج: ممكن ادخل؟
    امون: الغرفه غرفة اختك
    و دخل هزاع و يلس عالسرير وين هي يالسه
    امون: شو تبا؟
    هزاع: ابا اعرف السبب
    امون: سبب شو؟
    هزاع: ليش صحتي؟
    امون تمسح دموعها: ماكنت اصيح
    هزاع: والله انج كنتي تصيحين ليش؟
    امون نزلت راسها: بدون سبب
    دخلت فطوم عرض: لا في سبب و السبب…..
    امون عطتها نظره سكتتها
    هزاع: شو السبب؟
    فطوم: انا مايخصني
    و طلعت و نزلت تحت
    سيف: وين هزاعوه؟
    فطوم: هزاعوه اصغر عياك
    سيف: اوب اوب اجوف تدافعين شو تحبينه؟
    فطوم: خسي والله اقولك شي اسكت ابركلنا
    سيف: تعالي لعبي كوره بدال هزاع
    فطوم: هيييه اسمها كووووووووووووووووره مب مكياج او خيول
    سيف: هاهاي اصلاً انتي خايفه اهزمج يالمصخره
    فطوم: انا المصخره يالمصخره؟!هات هات القير والله اتحداااك تفوز علي
    سيف: والله؟
    فطوم: قسم بالله و اذا فزت تسويلي الي اباه و اذا انت الي فزت اسويلك الي تباه
    فوق عند هزاع و امون
    هزاع: اكييد مافيج شي؟
    امون: هيه
    هزاع: اكييد رضيتي؟
    امون: هههه هيه
    هزاع: اقول يلا تعالي ابا اجوفج كيف تلعبين
    امون: العب شو؟
    هزاع: كوره سوني
    امون: لالالالالالالا
    هزاع: بليز بليز
    امون: ماعرف العب
    هزاع: بعلمج..يطالعها بويه بريئ و ترجي و طريقة يهال:..بليش عسان كاتلي
    امون: هههههه اوكي

    كـــــــــــــــــــــت
    توقعاتكم..؟
    مهره شو بتكون ردت فعلها؟
    من بيفوز بين فطوم و سيف؟
    و من بين امون و هزاع؟
    شو سر امون؟

  6. عاشقهـ حياتي يقول

    بـــ الخآآمس ـــارت:

    احمد: الوو
    ..: السلام عليكم
    احمد: و عليكم السلام..اختي منو انتي؟
    …: لحظه انت احمد؟
    احمد: هيه وين مهره؟
    مريوم: هههههههه مهور؟مادري بلاها اتصنمت
    احمد: انتي منو؟
    مريوم: دامك احمد لازم تعرفني
    احمد: ماعرف حد انا غير اختي مهره و اهلي
    مريوم: اوكيه انا من اهلك
    احمد: اهاا وين مهاري؟
    مريوم: مابتكلمك
    احمد: ليش؟
    مريوم: قلتلك اتجمدت
    احمد: وين انتو؟
    مريوم: المول
    احمد: مع منوه؟
    مريوم: بطوي و عزوز
    احمد: اهاا
    و بند احمد بدون مايقول شي
    مريوم: آه ياجليل الحيا
    ساره: منو؟
    مريوم: اخوها
    ساره: احمد!!؟؟
    مريوم تضحك من شكل ساره: هههههههه هيه احمد
    ساره: شو كان يبا غريبه يدق؟
    مريوم: يكلم هاي المسطله
    ساره: شو نسويلها؟
    مريوم: ماشي خلينا نسير السياره يمكن بطي و عزوز هناك
    مهره فزت من مكانها: عزوز؟
    ساره: اويه مريوموه جوفي تكلمت
    مريوم: اقولج شي يلا
    و سارو صوب السياره و مالقوها
    ساروه شهقت: ييييييييييه راحو عنا!!بصيييييح!!
    مريوم: ههههههه جب يالياهل بدق حق..بقصد:..عزوووووز!
    مهره: وين؟
    مريوم و ساروه عطوها طاف و دخلو المول عشان مايتنقعون برع
    مريوم: بطوووووووووووووي!!وين رحتو عناااااااااااااا!!
    بطي: اقولج شي دوري حد يردج
    مريوم: بطيييييي
    بطي: عن الدلع باي مب متفيج لج عندي حد مستانس هني سوالنا حفله فجرلي راسي
    و سكر
    مريوم: اففين شو ها كل حد يسكر فويههي
    يوم لفت تجوف ساره لقتها تكلم حد سكرت الفون و قربت من مريوم
    ساره: سلاموه بتي
    مريوم: يمكن تبا شي خلينا ندخل محلات لين ماتيي
    __
    فطوم تزاعج: قوووووووووووووووووول قوووووووووووووووول القووووووووووووول السادس ياسلاااااااااااااام!
    سيف فخاطره: اففف بنيه تهزمني
    سيف: هاهاها اصلن انا الي خليتج تدخلين علي
    فطوم: مس وذ مي!لا لو خليتني جان سجلت قول علي بس مواهاهاهاهاهاها قووووووووول السااااادس
    هزاع: يلا قومو دورنا
    سيف: لا ابا اهزمها
    هزاع: قوووووم ياخي
    فطوم: امون امون خليني العب بدالج
    هزاع: لااااااااااااااااااا والله هي بتلعب انجلعي
    فطوم بوزت عطت القير حق امون و يلست عالغنفه
    سيف اونه فطوم غمضته سار صوبها و يلس يمها
    سيف بحنان: لعبي ضدي مره ثانيه عادي
    فطوم لفت و جافت سيف و ضحكت بخبث: سيفوو قلت بتسوي لي اي شي
    سيف تقفط يعرف افكار فطوم الي تفشل: قولي
    فطوم: اباك تلبس مايو مالي الجديم الي نسيته هني من زمااااااااااااااااااااان
    سيف فج عيونه: شوووووووووووووووووووووووووووووه؟!!!!!!!!!!!!!!!!!!!!!!؟
    __
    بوسيف: هااه وين انتي بعد؟
    سلامه: المول ساروه و مهروه و مريوموه هناك بيبهم
    بوسيف: توكلي
    ركبت سلامه السياره و فنص الطريج رن فونها
    سلامه: هلا
    ساره و هي خايفه: سلامي تعالي والله خايفه هاي ميمي ماتخاف من شي و الثانيه مسطله
    سلامه: ساره خايفه من شو؟
    ساره: دخيلج سلوم دخيل ابوج و اهلج و كلنا تعالي بسسسسسسرعه بصيييي…..”توت توت توت”
    سلامه: اففففففففف ابويه مابخليني اسوق سياره مره ثانيه بحياتي و السبه انتي يا ساروه…و رصت عالبترول و راحت فيها
    __
    احمد دش البيت
    ام مهره: توه نور البيت
    احمد: منور بوجودج اميه
    حب راسها
    بومهره: و انا؟
    احمد: افا ابوي
    و حب راسه و قعد
    بومهره: سيارتك هاذيج السوده؟
    احمد: هيه ابوي
    بومهره زعل على حال ولده: شحقه الكلام الي مكتوب يعني؟
    احمد ابتسم: لا ابوي لا يروح ظنك بعيد هاي غنيه مب اكثر
    بومهره ابتسم: زين و الصوره؟
    احمد: مادري ها راعي القراج حطلي اياها
    بومهره: مالقيت ربع؟مر عليك اسبوع فالعين
    احمد: تعرفت عربع بطي و عبدالعزيز
    ام مهره: زين ارتحت لهم مستانس؟
    احمد: الحمدالله
    بومهره: بغيت شي؟
    احمد: لا…
    ام مهره: اصبلك جاي؟
    احمد: لا تسلمين توني مار الدكان…متى العزيمه هالاسبوع؟
    بو مهره كان يشرب و فجئه كح
    ام مهره: بسم الله عليك حلو حلو
    بو مهره: كح..احم..بتي؟
    احمد: هيه متى؟
    بو مهره: يوم الخميس العرس صح؟
    احمد: هيه
    بو مهره: و انت اكيد بتي
    احمد: اكيد
    بو مهره: و المعاريس بيسافرون اسبوع و بيردون و العايله بتسير البر صح شما؟
    ام مهره: هيه
    احمد ابتسم ابتسامه عريضه من الخاطر: تم
    و قام
    ام مهره: وين وين يالشيخ؟
    احمد: باخذ لي اغراض
    بو مهره: ابوي احمد اسمعني اباك تعيش فالعين و ماتسير الشارجه
    احمد سكت:……………………
    ام مهره: صدقني حبيبي اريح لك بدال ماتكون ساير راد
    بو مهره: و اذا عشان شغلك هني عندك خمس شركات من شركاتي و شركات عمومك نق الي تباه احسن لك
    احمد ابتسم: ابا اتجرب من عمومي
    ام مهره استانست: هاذي الساعه المباركه
    __
    راشد ياي بيدق على مريوم يبا يطلب منها طلب بس مبايلها مغلق
    دق على ساره مقطوع
    دق على مهره بعد مغلق
    دق على سلامه مشغول
    راشد نزل عند اهله تحت: مسا الخير
    ام راشد و بو راشد: مسا الورد
    راشد: وينهم؟
    بو راشد: قلنالك بيت عمك
    راشد: عمي بوبطي؟
    ام راشد: هيه اذا بتسير صوبهم يب خواتك
    راشد: ليش عزوز وين؟
    ام راشد: قال بيبات عندهم اليوم
    راشد: اوكي
    كـــــــــــــــــــــت
    توقعاتكم…؟
    بلاهم مريوم مهاري و سارونه؟
    شو الطلب الي راشد كان يباه من ميمي؟
    سيف بيسوي طلب فطوم؟
    من بيفوز بين هزاع و امون؟
    احمد بيسوي الي ابوه طلب منه؟
    و مهره بترد طبيعاتها؟
    و منو الي محتفل صوب بطي؟
    عبد العزيز ليش يبا يبات عندهم؟

  7. عاشقهـ حياتي يقول

    بـــــــــــ السآآآدس ـــــــــارت

    سلامه باركنت سيارتها و نزلت تدورهم دشت المول ما لقتهم رن فونها
    راشد: الوو هلا سلامي وينج؟
    سلامه خايفه عأختها و بنات عمها: راشد البنات
    راشد: شو فيهم البنات ما يردون علي؟؟
    سلامه: البنات ماعرف وينهم ساره دقتلي و كانت خايفه و تترجاني ايي بسرعه بس انقطع الخط راشد والله اني خايفه
    راشد: هدي حبيبتي و سمعيني زين اوكي؟ الحين انتي وين؟
    سلامه: فالمول
    راشد: زين هم دقولج عساس هم مخلصين و يبون حد يردهم صح؟
    سلامه: هيه
    راشد: دام انهم مخلصين اكيد بتلاقينهم صوب المطاعم او يمكن عند باسكن
    سلامه: اوكي انا بروح اجوفهم
    راشد: اوكي انا اسوق بعد ماروم اتكلم و اسوق فنفس الوقت…طمنيني يوم بتلاقينهم
    سلامه: انشاءالله
    و بندو
    __
    هزاع امون و فطوم: هههههههههههههههههههههههههههههههههههههههههههههههههههههههههههههههههه
    سيف: جب جب
    امون: قلت لك من قبل اختي مب سهله
    هزاع: هههههههههه تصدق؟ يناسبك!
    فطوم: هيييييييييييييييه كنت اعرف امون بتيب قووووول!! ووووووووووووو !!
    هزاع صد صوب التلفزيون: شوووه؟؟؟!!!مايصير!!!!!!
    امون: ليش منو قال لك مايصير
    هزاع: كله من سيفوه لهاني
    سيف: محد قال لك اضحك علي,,,حط ايده عخصره و طلع لسانه
    دخلت اليده: هب هباك من ولد شو لابس؟!و شو هالحركه!!؟؟صاير بنيه يلا اصطلب,,,ظربته بالعصى عريله
    سيف: يعني اميه تجوفيني لابس مايوه بنات و مال البنات ريولهم برع و تظربيني عريلي
    يدوه: سير سير غير
    فطوم: لاااااااااا!!مايوز هو تحداني و انا فزت
    اليده: عاد انتي طالعه ع ابوج حركاته ماهي بهينه
    __
    سلامه: اففففففففففف زين لقيتكم..شو السالفه ليش ساروه خايفه؟.
    مريوم: ههههههههه تخاف من هذيله
    ساره: جوفي صوب المحل الي وراج
    سلامه لفت لقت ثلاث شباب: لا والله و انا اتحرا كلوكم
    ساره: والله يروعون لحقونا فكل مكان و تجوفين ها الي احلاهم؟الي شعره شوي طويل لابس جنز
    سلامه: هيه
    ساره: فر عمريوم رقم
    سلامه: ماعرف احسه مألوف
    مريوم: ادري حسيته جي كنت احاول ادقق بملامحه بس مارمت مب لابسه عدسات و متغشيه و ساروه تسحبني
    سلامه تجوف مهاري: بلاها؟
    ساره: صارت سالفه
    مريوم بقصد: و تخص عزوووز
    مهره: وين؟
    واحد من الشباب صد صوبهم و طاحت عينه بعين ساره و ساره ماصدقت تمت تطالعه و هو يطالعها
    سلامه: ايييه انتي اونج تخافين و ماتتغشين
    ساره:………………………………………
    مريم: سوير
    ساره: هاه؟
    مريوم: اوب اوب انعجبنا انعجبنا
    ساره دزتها: اوه سكتي بس والله جوفي ها بو القميص البرتقالي مب حلو؟
    مريوم: هيه بس بو جنز احلى
    سلامه: طع هاذيل..يلا يلا
    و ركبو سيارة سلامه بس حد مسكر عليهم الطريج من ورا ما يرومون يطلعون
    مريوم راكبه ورا و فاجه الدريشه و تتحرطم بصوت عالي: اووووه منو هالمتفيج حاط سيارته ورا سيارتنا؟
    يا راعي السياره و معاه ثنين و الي صدمهم كانو هم الثلاث الي كانو يغازلونهم
    راعي السياره هو الي لابس جنز: صبرو بنطلعكم
    مريوم اونها معصبه فنفس الوقت حاولت تدقق بعد ما رامت الصوت مألوف بعد: يلا بسرعه مافينا عليكم
    ساره فخاطرها: تجنن سيارته مثل مالت احمد بس مالتهم سوده و الكلام الي ورا غير…لحظه الكلام الي جدام مثله…يمكن غار من سيارة احمد و سواها مثلها هههههههههههههههههه
    و ركبو الثلاثه السياره و سولهم طريق
    و مرت سلامه بس الشباب تمو يلاحقونهم و الي يسوق لاحظ الطريج مب غريب عليه و بو القميص البرتقالي كان يالس جدام فج الدريشه و تم يأشر حق ساره فجي الدريشه لنها يالسه جدام ساره بدون تردد فجت
    ساره تصارخ: شو تبون منا؟؟!!
    سلامه: ساروه يالخبله سكري الجامه
    بو قميص البرتقالي: انتي راعية الماشي؟
    ساره: لا لحظه
    ركبت بطاقتها ففونها و فجته
    بو القميص الربتقالي: تتفديني بعد
    ساره: جب شو تبا قول بسرعه
    بو القميص البرتقالي: اول شي قولي اني ريلج
    ساره: لو المووووت
    بو القميص البرتقالي: شو اسم بلوتوثج؟
    ساره: فديت ريلي متكشخ
    بو القميص البرتقالي: ثينكس مايحتاي تقولين
    وصل شي حق ساره و قبلته
    بو القميص البرتقالي: دقيلي
    ساره: لا مابا
    بو القميص البرتقالي: رنه وحده
    ساره تمت تفكر
    سلامه: ساروه انا هني تراني بخبر ابوي تفكرين بعد؟؟ياهبله اذا دقيتيله رنه بيسجل رقمج عنده
    بو القميص البرتقالي: يلا مابتخسرين شي
    ساره: بلى بخسر,بخسر ثقة اهلي و كرماتي
    مريوم: سلووم لا تودينهم صوب بيتنا ابوي بيذبحني
    سلامه: ههههههههههههه ولا يهمج
    و لفت على طول و الشباب وراهم وراهم
    بو القميص البرتقالي: ياخي بلاها هاي عنيده
    بو الجنز: خخخ ماعليك منها خذ الي يالسه وراها الي وياها شنطه,,تذكر شي,,حمره!!
    بو الجنز كان يبا يتأكد جاف مريوم و طاحت عينه بعينها بس طبعا مريوم مارامت تجوف او تدقق بس هو
    لف صوب ثاني يعني خلوهم
    بو القميص البرتقالي: ليش!؟
    بو جنز: بنلاقي غيرهم خلهم هاذيله
    بو القميص البرتقالي: حرام والله عيبتني فدبت ريلي متكشخ
    بو جنز: بنيب بطي و عزيز عقب بنلاحق
    __
    هزاع: اممممممممم ماعرف شو اقوللها تسوي
    فطوم: خلها تخدمك اليوم كامل
    هزاع: لا قاسي وايد
    سيف: خلها تاكل دود الي فالحوي
    هزاع امون و فطوم: يعععععععععع
    هزاع: يلوع واااايد
    سيف و فطوم: قول بسرعه تحمست
    امون: اويييييه دقو خشب
    سيف و فطوم سارو يترابعون يدورون خشب الاغبياء ماجافو طاولة التلفزيون الي جدامهم
    هزاع: دامهم راحو الحين بقول شو ابا
    امون ابتسمت: قول
    هزاع: قوللي شو سرج؟
    امون: ها؟..آآ..
    دش راشد البيت
    امون فخاطرها: اشكرك يارب
    راشد: هلا هزاع شحالك؟
    تخاشمو
    هزاع: بخير يامعرس
    راشد: هب هباك انت بعد طلعلك لسان
    هزاع: و انت بعد صاير مثل يدوه
    كــــــــــــــــــــــت
    منو بوقميص برتقالي؟؟
    منو بوجنز؟؟
    و ليش اتفاجئ يوم جاف الشنطه؟؟
    و راشد بيغير رايه و مابيطلب الطلب ولا؟؟

  8. عاشقهـ حياتي يقول

    بـــ السآبع ـــارت

    راشد: هيه الحين بعد ما انا ييت تقول انت بتردهم
    عبدالعزيز: انزين دامك هناك و انت الي بتيبهم خلاص..اقول البنات هناك؟
    راشد: ليش تسأل عنهن؟
    عبدالعزيز: قوول,,تذكر انهن بيون بيتهم,,اقولك خلاص باي
    و بند
    راشد: امون فطوم قومن
    هزاع: لا مابسيرون مكان
    راشد: عكيفك؟
    هزاع: لا لعبت ضد امون و ماسوتلي الي اباه
    راشد: لا حوول..اوكي قول لي الحين بسرعه انا بسوي بدالها
    هزاع: اوكي كيفك سير غرفة مريوم و نبش و طلع اشيائاتها و طلع المكياج و سولك ميك اب
    راشد: هــــــــــب سير سير
    سيف: شلهم شلهم
    راشد صد صوب سيف: ههههههههههههههههههههههه شو لابس انت تقول بنيه
    سيف: من سبة اختك شلها ماباها
    فطوم: حد قال اباك
    هزاع: انا ابا امون
    امون حسيت قلبها يدق يدق يوم قال ابا امون
    راشد: تبين ولا؟
    امون: ها؟انا؟اتم؟هيه عادي قول حق بابا
    فطوم: لا والله انا اقعد ويا منوه فالبيت؟
    راشد: خلاص امون نشي..بتسيرين..باجر العرس
    رن فون راشد
    راشد: هلا
    مريوم: اهليين سلوم قالتلي انك تباني
    راشد: اممممم هي
    و سار راشد عند طرف الصاله عسب يكلمها
    مريوم: افااا افااا والله ولا يهمك اسويلك الي تباه
    راشد: تسلمين…يلا عيل انا ببند الحينه بنطلع من بيتكم
    مريوم: اوكيك توصلون بالسلامه
    __
    ساره: لا عاد ميمي لازم نسويلها شي من متا هي مسطله!!
    مريوم: اوكيه لحظه
    دخلت المطبخ و طلعت و فأيدها قلاص
    ساره: لا حرام مريوم
    مريوم: ههههههههه لا حرام ولا شياته هي كيف بتقوم عيل
    و صبت مريوم الي فالقلاص فقميص مهرووه
    مهره صارخت: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
    ساره: اوووه صدق ينفع
    مهره تنش و تنفض قميصها: بارد بارد بارد ثلج ثلج ثلج
    مريوم: ههههههههههههههههههههههه مهاري نحن وين؟
    مهره تطالع الحجره كامله: امممم ماعرف
    ساره تضربها عراسها: ياهبله فغرفة راشد راشد بن سلمان
    مهره: لحظه لحظه راشد بن سلمان يصير اخو عبدالعزيز سلمان؟
    مريوم فرتها بالمخده: هييييييه
    “طق طق طق”
    ساره: منووووووووووووه؟؟
    سلامه: انا
    مريوم: انزين…منو انا؟
    سلامه: سلامه
    مهره يايه بتفتح الباب: هلا اقربي اقربي
    سحبتها مريوم و سكرت حلجها: اششش سكتي
    ساره: ممنوع الدخول
    سلامه: ليش؟
    ساره: دقت راس انجلعي تحت,,شهقت,,جني سمعت خالوه تناديج!!
    سلامه و هي متوتره: والله؟
    ساره: بسرعه بسرعه ولا بتحسج ماتناسبين ولدها
    سارت سلامه تربع تحت
    سلامه: ها خالوه بغيتيني؟
    ام راشد: لا فديتج ماناديتج
    سلامه: اهاا
    ام راشد: تعالي ماتبين نس كفيه اقول حق الخدامه تسويلج؟
    سلامه: لا خالوه
    ام راشد: وابوي عليج من الحين تستحين عيل بعد ماتعرسين كيف؟..ستي ستي!! جيبي نس كوفيه حق مدام سلامه!
    __
    سيف: اقول
    هزاع: هااا؟
    سيف: شو تبا فيها هذيج؟سرت تراضيها ليش؟
    هزاع: مايخصك
    سيف: لا صدق الثانيه احلى منها بس ملسونه
    هزاع: والله امون احلى
    سيف: هيه صح حلوه بس فطوم راعية مشاكل تناسبك
    هزاع: يووه اسكت انت بس…انت تقول فطوم احلى خلها لك ماباها و بعدين شو تخربط اونه فطوم احلى تراهن توأم
    سيف: اففف
    هزاع: زائد انت تحبها ليش تعطيني اياها؟
    سيف: ماحبها
    هزاع: بقولك شي و بعدها تسكت وعد؟
    سيف: وعد
    هزاع: ما أظن انا الوحيد الي سرت اراضي وحده من التوأم
    سيف: شو تقصد؟
    هزاع عطاه طآآف
    __
    فالمسن”راعي الغزل”
    راعي الغزل: هلا هلااااااااااا
    …: اهليين
    راعي الغزل: شو الاحوال؟
    …: تمام من صوبك؟
    راعي الغزل: قود قود اممممم
    …: مابدق لك
    راعي الغزل: افاا ليش؟
    …: اخااف
    راعي الغزل: من شو؟!
    …: بس اخاف و احسن بمحس ايميلك بعد
    راعي الغزل: و انا!!؟!!
    …: انت بعد امسح ايميلي
    راعي الغزل: بس قلبي…قلبي مابيرتآآح!!
    …: بس عشان مصلحه ياراعي بردلك صدقني
    راعي الغزل: متى اريد اعرف؟
    …: كل شي فوقته حلو..والله احبك ياراعي الغزل لا تنساني بلييز..مع السلامه
    راعي الغزل: لحظه قبل اي شي اهداء
    ليت تلمس بي معاناة الغرام
    كيف حالات الحبيب المنتظر
    بالنصح ويصار طيفك و المنام
    مرة يجرحني و مرة يعتذر
    “تم تسجيل خروج …”
    … الدموع تنزل: والله بشتاق لك احبك و ربي الشاهد
    __
    “طق طق طق”
    مهره: منوووووووووووووووووووو؟؟!!
    …: ………………
    كــــــــــــــــــــــــــت
    توقعاتكم…؟؟
    العرس بيتم باجر؟؟
    شو الي كان يباه راشد؟؟
    منو راعي الغزل؟؟
    و منو الي كان يكلمه؟؟
    من الي دق الباب عند البنات؟؟

التعليقات مغلقة.