تفسير الخوف من المرتفعات

السلام عليكم ورحمة الله وبركاته
حلمت انى بمحاضرة وكان المدرج فى مكان عالى من غير سور وكنت جالسة باول مكان بالصف الاول بجانب صديقتين ليا وكنت خايفه جدا انى اسقط لدرجة ان صديقتى اتحركت من مكانها فاتحركت معاها وصرخت من الخوف وصديقتى اعطتنى سندوتش بيض بس اعطيته لواحد تانية كانت جالسة بجوارنا وقلتلها عشان معايا كتير منه
وكانت صديقتى وزميلتى بالعمل بالاسفل بعد فترة من المحاضرة قررت انى انزل لتحت لانى خايفه وقمت من مكانى بس دخلت جوا المدرج وقعدت على الارض ومقدرتش انزل
بعد فترة قام واحد من اللى قاعدين وقال انه هيساعدنى عشان انزل وراح ماسك فى السلم وشالنى ونزل بيا وانا كنت مبسوطه حدا
بعدها قالى مكنتش اعرف انك عيلة كده -طفلة يعنى- قولتله انا طلعت ونزلت قبل كده لوحدى بس المرة دى كنت خايفه قالى طب ايه السبب قولتله بخاف م الاماكن العاليه- وف الحقيقة انا بخاف فعلا من الاماكن العاليه
بعدها فضلت اتكلم مع الشخص ده-اسمه محمد- وقال لصحبتى اللى كانت ع الارض انه هكمل نص حياته معيا

العمل \ معيدة بالجامعه
الحاله الاجتماعيه \ عزباء
الحاله الصحيه \ جيده
مضى على الرؤيا \ يوم

بدون تعليقات
  1. بنت اسيا يقول

    الرجاء الاختصار

  2. السحب البيضاء يقول

    كنت بمحاضرة فى مكان عالى من غير سور وكنت خايفه جدا انى اسقط
    وكانت صديقتى وزميلتى بالعمل بالاسفل قررت انى انزلها بس من الخوف مقدرتش انزل
    قام واحد ساعدنى عشان انزل وشالنى ونزل بيا واحساس الخوف اتحول لفرحة
    بعدها فضلت اتكلم معاه -اسمه محمد- وقال لصحبتى انه هيكمل نص حياته معيا

    اسفة على الاطالة بالمرة السابقة ودا كان بسبب انى اول مرة افتكر حلم بكل تفاصيله

  3. بنت اسيا يقول

    بسم الله الرحمن الرحيم

    عدم وجود السور يدل على احساسك بانك لا تجدى من يقف بجانبك

    لان السور يدل على من تستندى عليه فى الحياة

    الخوف من السقوط هو الخوف من المستقبل

    اى دائما تفكرى فى المستقبل

    والخوف يدل على الامان ، واسم محمد يدل على اتباع السنن النبوية

    واذا كنت لم تفعلى ، فافعلى وهذا سيكون خير لك

    والله تعالى اعلم

  4. السحب البيضاء يقول

    جزاكم الله خيرا

التعليقات مغلقة.