جنينة فى اسماعيلية

السلام عليكم

رأيت اللهم اجعله خير كأنى لسة واصلة حالا الى جناين فخمة واشجارها مزينة وفيها قصور بس مشفتش القصور بعينى لكن كنت واقفة عند اول حدود الجناين دى وكأنها فى الاسماعيلية وكنت مبهورة بيها وبقول فى نفسى ان الفخامة دى عملها الخديوى اسماعيل وعلشان كدة اكيد سموها اسماعيلية علي اسمه وبعدها دعيت لنفسى ربنا يرزقنى الزوج الصالح اللى تكون حياتى معاه رغدة زى كدة المهم كان جنبى بنت شابة كأنها زميلتى ووصلت معايا حالا وبتقولى ان باقى زميالنا وصحابنا جايين علشان بتفسح كلنا سوا والجناين كبيرة احنا لازم نأجرلهم عربيات علشان تلف بينا . بعدين لقيتنى ماشية انا والشابة دى فى الشارع ومعاها ايس كريم بتاعها وعلى كذا شكل وعزمت عليا اخدت واحدة على شكل بنبوناية ملفوفة بورق ابيض وكانت فى حجم اكبر من البيضة كدة واحنا فى الشارع كان فى شوارع جانبية ضيقة ومش نضيفة ونازلة لتحت اوى صحبتى الشابة دى كانت عايزانا نمشى فيه قلتلها لا خلينا نستنى هنا فى الشارع الكبير الرئيسى يعنى وبعدين لقيت فردة جزمة سودة مقاسها 40 واكتشفت انها جراب موبايل بتاع الشابة اللى معايا فى الحلم … انتهى الحلم

انا آنسه وملتزمة دينيا وخلقيا الحمد لله كنت استخدم رقية وانتهيت منها والحلم عادى وليس استخارة وانا مش من اسماعيلية وزرتها مرة واحدة من سنين ومفكرتش فى اى حاجة تخصها قبل الحلم ولا بعده

تقبلوا خالص التحية وجزاكم الله خيرا وفيرا

بدون تعليقات
  1. بنت اسيا يقول

    بسم الله الرحمن الرحيم

    المشى فى الجناين تدل على اعمال البر والخير

    وصديقتك تدل على الخير من معنى اسمها ، او على وجود شخصية تنافسك فى شئ

    ةالايس كريم يدل على الرزق ، وعلى حسن الكلام لك او عليك ، لانه حلو المزاق

    والايس كريم من الثلج فهو رزق لانه يحفظ الاشياء من الفساد

    والله اعلم

التعليقات مغلقة.