ياللى حابه تتغربى

ياللى حابة تتغربى طب جربى.. طب جربى شوقك لحضن ومتلاقيش

وتفضفضى يخلص رصيدك من مفيش

طب جربى ضحكة وجع باهتة.لو تقدرى تتحملى وجعك لحالك

طب جربى فرق الساعات تمنع وصالك

طب جربى وجع البعاد لو تقلقى والخوف يعم

طب جربى عد الشهور..فرق التذاكر والاجور

طب جربى احساس ضعيف لو تغضبى بسكون مخيف

طب جربى تبقى غريبة…طب جربى فرق السنين

طب جربى مرضك وانتى فى غربة وبعيدة

طب جربى لمة وليمة.متصورة وانتى السجينة تتفرجى وتعلقى لو كنا جينا!…

ملحوقة لكن مش اكيدة…طب جربى موت القريب حسرة دموعك صوتك نحيب

صدمة نصيب اخر مكالمة انا كنت حاساها مريضة؟..

طب جربى رتم الحياة…بين صمت فيكى او معاه

طب جربى لحظة فراق..شنطة سفر ودموع عناء

طب جربى حلم اللقا …حسيتى عمرك بالثوانى؟..

نبضك بوقتك إلتقى..يوم مااترميتى فى حضن حانى

طب تعرفى فرق الهبوط..قلبك يدق فى خطوتك

وبتلمحى كل الوجود وتلاقى مردود ضحكتك

لحظة ماتكسر وحدتك..لحظة سكوت تشرح معانى محبتك

لحظة وصولك م السفر ..ذنب البعاد فجأة انغفر

طب جربى يوم الوداع..دمعة بتترجى الزمان يعرف حلاوة الانتظار

وسط الحبايب والجيران..لكن تملى بإندفاع حالف لايجرى بإقتدار

انا لاهاممنى المنفعة ولا من بلادى مستبيعة

لا كنت ضد ولا مع…انا كنت جاهلة بالوجع ..لو غيرى يعرف غربتى لاكان تمنى ولا دعا!

منقول

بدون تعليقات
  1. همسات العراق يقول

    روعه الكلمات جميله

    يعطيك الف عافيه

    تحياتي وودي

  2. ليسآء يقول

    كلمات رائعة ومؤثرة

    تسلم ايدكـ على جمال ما قدمتي

    لكـ مني أجملـ تحية

التعليقات مغلقة.