اجمل شعر حب سعودي

شعر سعودي عن الحب شعر سعودي رومنسي اشعار سعودية حب شعر سعودي غزل شعر سعودي حب قصير اجمل شعر حب سعودي

لطالما تعامل الشُّعراء مع مواضيع الحُبِّ والغزل كمدخلٍ لا غنى عنه لدخول مملكة الشِّعر، فما من لغة أو لهجة خلا شعرها من مواضيع الحبِّ والغزل، ومع شعراءِ المملكة العربية السُّعوديَّة نجد العديد من القصائد وأبيات الشِّعر السُّعودي التي تتحدث عن الحبِّ بحلاوته ومرارته.

اجمل شعر حب سعودي

ياعين .. يلي بـ المدامع كريمه
وياصدري الي للتنهات .. مدهال

وش حيلتي .. دام الخساير وخيمه
مالي جدا .. غير البكى .. عند الاطلال

يشتاقلي .. لاغبت عنه ثواني
وكن الثواني في غيابه .. جفى عام

من وين مالدت عيونه .. لقاني
وان مالقاني .. يقضي الليل بوهام

هذي علوم الأمس .. شوق , وتهاني
واليوم فرقى .. نكسّت كل الاعلام

من غاب .. والفرقى تدك المحاني
ولا زالت عيوني على شوفه حيام

أقولها .. والشوق .. جمره كواني
أقولها .. والضيق .. مسْهرني أيام

ياوجد حالي كان طيفه لفاني
وجد العجوز الي لها ( عشرة ) أيتام

من ضيقتي .. كل شي حولي .. بكاني !
ياضيقتي .. لا هنتي شوّي .. بـ نام

وان ضاقت الدنيا .. بوجه [ الأماني ] !
على [ الأمل ] عايش ! .. ولوّ كلها أحلام

أثر المحبه .. كلها شوق , وهيام !
وشكواك منهآ للأوادم .. حسوفه

وأثر الفقير .. ايّخاف يصحى .. ليا نام !
يخاف يذبح حلمه إلي يشوفه !!

خلوني أرقد .. يا عسى .. فيه الأحلام
دام الزمن .. جارت علينا صدوفه

عليه جرحي نازفٍ قدله أعوام
ينزف .. وأنا اقول : الحبيب وظروفه

كل الثواني , والدقايق , والأيام
محلها ترقب .. وأسامر طيوفه !

بوح سآلم العونـي


في البقالات البليده
اللي ما تخرج بضاعتها لشّم الشمس ..
كنت اقرا الجريدة
لكن اقراها بـ تاريخ امس !

في سواليف الأجانب ..
كنت اشوف اوطانهم تقفز من اقفاص الحكي مثل الارانب !

في كتابات ” النيون ” اقرا الأسامي :
– ذابله مثل الحنين
– مايله مثل الانين
– موجعة مثل الأشعة
وقت تكشف عن تشوّه في الجنين !
بارده مثل الثلاثين
في آخر شهر !

في شتا هذي المدينة
تنبت اشجار الزكام !

في صناديق الخضار
الشمس تتحوّل لـ باذنجان تالف !
والغلابه يحسبون العمر والجرجير بـ الكيلو ..

في الصنادق والعماير
يلبس الناس الأماني والبطاطين الثقيله
يطبخون الرز والاحلام !
يشرون الأثاث بـ قيمة التقسيط !
يعطون الاواني والاماني
سعر سلعة تالفه !
يستهلكون الموز والحزن الرصاصي !
ينشرون ايامهم في الشمس من قبل الملابس !
يذرفون الما
من العين الحزينة
او من الخزّان ..

في أول البرد ،في آخـر بطاطينه ..
أرخيت كل الستاير ماعدا عيني

للخالديه فـ نص الليل تخمينه ..
آخمن القاك والعن جد تخميني !

نعسان ذا الشارع القافل دكاكينه
وشلون ابكسر حديد ابوابها فيني !

  • الحين كيفك ؟
    واقول : مطيّن بطينه !
    بـ الله من ذا السؤال الصعب فكّيني !

بي طفل بشويش لا جيتي تضمّينه
بشويش غطّيه ،
لا ، بشويش غطّيني !

وحدي ..
وغرفة رقم ، واشجار للزينه
واسلاك هاتف
بـ كلّ اجحاف تلغيني !

جرس منبّه
و .. يكبر بيني وبينه
سؤال :من قال للثاني تصحّيني !

قبل امس
قادر أعلّق ثوبي اش زينه
واليوم ثوبي بـ حزن يعلق يديني !

سألت : والحيّ هذا ليه ناسينه
أهله ؟وكمّلت : واهلي ليه ناسيني ؟!

في مقاهي كنها ليل الحدود
انفخ الدخّان يصعد
يرتطم فـ السقف حزنه
يرتطم فـ السقف حزني
وحدي اسهر في ظلام الأسودين :
– الجراك
– الليل

علمني كيف انساك
علمني كيف اهواك واكتفي
علمني كيف اصل الى اعماقك
وابدا الحكايه …
واسير على اوتار قلبك حتى النهايه…

اليوم اعلن قلبك النهايه
وجرحني بكلمة الوداع
بعد ان كان يفرحني بكلمة احبك
ولن تكوني لغيري بهذا الزمان….

كل الناس مؤدبه الا انت تدري ليه ؟
لانك دخلت قلبي بدون استاذان…

المقالات المشابهه

بض الغلا ياخذ له ايام ويروح
وبعض الغلا ياخذ له سنين ومايروح
وبعض الغلا متمكن داخل الروح
ماينمحي لوجه نزاع الروح
وانا غلاي مايبي شرح ووضوح
غلا حقيقي دون تمثيل ومزح
غلاك خلاني من الوجود مطروح
مين قدك!…

ابكتب لك رسالة حب
تعبر عن عذاب القلب
قصيده شعر تحكي لك
الم روحي&.&.&.تناديلك

ليت المسافه بيني وبينك مترين ***
امشي متر&وتمشي متر ونتلاقى

تدري من عشقي لشوفك
ماتفارقني طيوفك
صرت اناظر في المرايا
ما اشوف نفسي اشوفك

لو غبت لحظه كل مابي يتمناك
صعبه حياتي يا حياتي بدونك
اهيم بصوتك وهمسك ولقياك
حتى مع الاحلام مااقدر اخونك

وايه فيك ؟غايب؟
طعنت القلب بغيابك…

وش اللي باقي تبيه….. مني ولا عطيتك
ياما وياما طلبت…….. ماعمري رديتك
واليوم يوم احتجتك….بينت لك ضعفي
الحين جاي تقول…..الحب مايكفي!!!

مهما طال الزمان….
ومهما كسرتني الايام….
مهما اخذت مني الحياه….
مهما عذبني الحب مهما انجرحت….
مهما اذللت للناس والحياه….
مهماغ حصل لن يتغير شيء بقلبي مع انك
جرحتني هو اني وبكل صراحه احبك بجنون………..

لا اعرف ان كنت بغيابي لي تشتاق^^^
لا اعرف ان كان في يوم من الايام فكرت فيني^^^
لا اعرف اذا كان يوم من الايام كان لي اثر بحياتك^^^

ولكن !!!

مااعرف اني اشتاق لك
واني كل يوم افكر فيك
وانه لك كل اثر بحياتي
وانك حياتي واني احبك….^^^^

لاخذلك الوقت
ياقلبي ابتسم
الزمن طبعه كذا
فرحه وهم
لملم جروحك وخل ما فيك فيك
يوم لك ياقلبي
وعشره عليك..$

اجمل شعر حب سعودي

لا غــاب عن عينك حبيب ٍ تـــوده … ..فاحسب نجوم الليل وامرح خلاوي
هذا وانا لي عنه ياناس مـــــــده .. ..والقلب من جور المحبه شقاوي
عن جيتي يمكن عذولـه يــــــرده… ..وإلا بهجري ناعم العـود نــاوي
مسكين قلب ٍ عودالحـــب ضـــده.. …ماهو على خفق ٍ بفرقاه قـــاوي
هجري تعدى مع هوى البال حده .. ..وبعده على قلبي كثير الــبــلاوي
حبل الوصل يرخيه وإلا يــشــــده… ..انا على درب المحبه رجاااااوي

منك انتهــينا يا مخـيـب رجـانـا ….. الصــبر طال وعذبتنا المشـاويـر
في موت حبك يجبر الله عزانـا …..بيدك رميته لا تــقـــول المقاديـر
لـولاك حنـا ماتــبـدل غـلا نـاكل …..الوفا منا ولا منـك تـــقــديـــــــر
قلنا سحابه صيف تعـبر سمانـا …..وتزول ماله في سما الحب تأثير
غدرك على نسيان حبك حـدانـا ….. هذي ســواتك ما تفيد المعاذيـر
عفناك واللي عالم فـي خفانـا …..البعد عنك ارحم وقلبك مع الغير
تبيعنـا واليـوم تـبــكـي هــوانـا …..لا يا عديم القلب فرقاك لـي خير

شفتك مع اللي صار عقبي حبيبك…..واحتارت العبره بعيني وصديت
مدري هي الصدفه لدربي تجيـبك…..مدري انا اللي في دروبك تحريت
ملكتـني واقفـيــت ربـي حسـيــبـك…..ما تعرف الرحمــه بقلب توليـــت
يا قلب جـرحـك سـبته من طبيبـك…..يا قلب لـيـتـك بالوفـــاء ما تماديـت
من حبـنا كـل السـعــاده نصـيبـك…..يا فاقد الاحســاس عــــنـي تخلـيــت
وش فايــده لا قـلـت عـنـي حبيبـك…..وانت بحياتــك يـــوم ماظـن حبـيـت

خـلاص لاتــرجـع تــرانـا سلـيـنـا…..ما كنت اصدق يـوم انـي ابنـســـاك
في بعــدكـم يامـا علــيــكـم بكيـنـا…..واليوم ما تطري على البال طرياك
واناادري انك رغــم صــدك تبينـا…..لاشك ناس ٍ ضــدنا تقصــر اخطـاك
خــل الـذي غيـر حــنــانـك علينــا…..يعطيك من قلبـه ربع ما عطينـاك
وشــعــاد لا صــار السـلام بيدينـا…..قلبــــي وقلبك بيـنهـا دارت افـــلاك
ودعـــت مــاضـي حبنـا وانـتهينـا…..وقلب ٍ نسيته يــــــوم لابـد ينـسـاك
من سكرةالحب الصناعي صحينا…..حتى المجالس عفتها خوف ذكراك
حـب ٍ جديـد ٍ غــيــــر حبـك لقـينـا…..حديتنـي جــعـــل اللــيــالــي تـحـداك

تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي

جى يشوف الحال كيفه بعد ما هزه حنينه ..
وقبل يسألني سألته كيف حالك يالحبيب ؟
قال انا كني غريب مضيع دروب المدينه ..
قلت انا كني مدينه تنتظر رجعة غريب !!

مديت يدي يمها وصافحتني
وليتي سلمت ولا لها اليد مديت
حسيت انا في شيء يوم امسكتني
شيء كما الكهرب نتلني وفزيت

ليه تطعني وانا ميت بليا ؟
ماكفاك اللي حصللي قبل ساعه ؟
كن بين همومي وبينك حميا ..
جيتكم واحد وجيتوني جماعه ..
انت منا والمصايب من هنيا ..
كلكم ضدي ترى ماهي شجاعه !!

أبي وعد..ما احتمل فيه انتظارك
و أبي ليل .. مايجي بعده نهارك
ودي أدري..هي حياتي اختياري..أو اختيارك
ودي أنسى..ليلة وعدك..أنسى وعدك..ما أجيك
وش يضرك .. لو أخونك ..مره و اختارك عليك

لاهمني قربك ولاهمني رضاك
والله ولا ذكرى بقلبي تجيبك
ليله لقانا حطها حدر ماطاك
عسى وهمها في الليالي نصيبك

وكتبت اسمك وطرزته خفوقين وسهم وحروف
وكتمت السر في صدري غرام طالت سنينه
وإذا غرك هوى نفسك تصبّر وانتظر وتشوف
من اللي ياصل العليا ومن اللي تقصر يدينه
واذا قصدك تهددني تراك اسديت لي معروف
طريقٍ كنت ماحبه وقلت اليوم يازينه
دخيلك حل عن دربي ووفر لعبك المكشوف
ترى روحتك عن دربي وربي ماهي بشينه

ياللي جرحت القلب ليه المعاذير
جرحتني لا تترك الجرح تذكار
وشلون ابصبر كان شفتك مع الغير
وانا الذي عليك من نفسي اغار

ان كان قصدك تجرح الروح وتروح
عندي كفايه مابقى من جروجي
وان كان غرك قولت الناس مملوح
هذي عبارة ماتناسب طموحي

قصيدة لوعة العاشق للشَّاعر السُّعودي الأمير خالد الفيصل

قالوا لي العبْ قلتْ ماني بلعوب إلَّا مَزوحٍ عند صافِي الجبينِ(ي)

ألاعبه وأفرح إلـى صرت مغلوب وأشوف وجهه لي غلبني يزيني

وأطرب على ضحكه وهو حيل طَروب وأنادِمه في لحظة أحلى سنيني

حبيبي اللي كل ما فيه محبوب ترخص له الدِّنيا وما كان فيني

اللي يجيني كل ما غاب لهـوب أونس حرارة لاهبه في كنيني

وكني على غيره من الناس مغصوب وكن العمر ياقف بليا ظنيني

وأصير بين يدين الأيام مقضوب والليل يجلد بالسهر موق عيني

يضحك بي الشامت إذا قلت ما أتوب ويحزن صديق العمر مما يجيني

ليته يغطي لوعة العاشق الثوب وإلا عيوني مـا تبيّن حنيني

وإن كان تعذيب المحبين مكتوب على عذاب الحب ربي يعيني

قصيدة مذهلة للشَّاعر السُّعودي عبد الرحمن بن مساعد

وهذه القصيدة واحدة من أشهر أغنيات فنان العرب محمد عبده، حيث قام بتلحينها صادق الشَّاعر وقدمها محمد عبده ضمن ألبوم حمل اسمها:

مُذهلةْ، ماهي بس قصة حِسْنْ، رغم إنَّ الحِسنْ فيها بحدِ ذاته مشكلةْ

مُذهلةْ، كل شي فيها طبيعي ومو طبيعي أجمل من الأخيلة

طيبها، قسوة جفاها، ضحكها، هيبة بكاها

روحها، حدة ذكاها، تملأك بالأسئلةْ

مُذهلةْ، تملأك بالأسئلةْ

هي ممكنة والا محال؟، هي أمر واقع أو خيال؟

هو سهلها صعب المنال أو صعبها تستسهله؟!

مُذهلةْ، تملأك بالأسئلةْ

ليه كل معجز مر هذا الكون فيها له صلة؟

ليه كل شي فيها تظن انك تعرفه تجهله؟

ليه كل (لا معقول) فيها ورغم هذا تعقله؟

طيبها، قسوة جفاها، ضحكها، هيبة بكاها

روحها، حدة ذكاها، تملأك بالأسئلةْ

مُذهلةْ، تملأك بالأسئلةْ

يا بدايات المحبةْ يا نهايات الوله

كيف قلبي ما أحبه وانتي قلبك صار له؟

يا أعذب من الأمنيات، يا عالم من الأغنيات

يا أجمل الشعر البديع من آخره لين أوله

ما راودتك الاسئلة؟

ليه عمري ما لقى لبرده دفا إلا دفاكِ

ليه قلبي ما بدقاته عزف لحدٍ سواكِ

ليه أنا عيني تشوف وما تشوف، إلا بهاكِ

يا أجمل من الأخيلة، هذا جواب الأسئلةْ

كي تكوني من حنيني، وبس فيني مو بدوني مذهلةْ

قصيدة ما قلت أحبك للشَّاعر السُّعودي طلال الرشيد:

ماقِلت أحبك ولا قد قلت ما أحبِك، أحب مالي عيوني وإنت تسواها

لو تدري إشكثر تعني لي تعرف إنَّك آخر أمل في حياتي وأول مُناها

يا كثر أحسّ إنْ بِك مني وبي منِك روح قسَّمها على شخصين مَولاهَا

لا تقول ش تحب فيني!، أعشقك كلَّك من ليل شَعرك لشمسك وآخر أقصاها

سميتني نصفك الثاني ويا شِحك! أنا بسميك كلي وانت معناها

تعبت أوديك له يا قلب ويردك لا اخذ حلومي ولا خلاني أنساها

كل الحمام ناح واستراح في ظلك، والورد الأصفر سقته الروح من ماها

ليتك بعمري ثلاث أشخاص ما أملِّك، واحد معي دوم، واحد روحي يملاها

والثالث بجفن عيني لا فقد حسك، أو غمض الجفن جاني فيك يتباهى

مو بس أحبك… أنا والله من حبك أحب حتَّى ثرى الأرض اللي تطاها

قصيدة لليل أحبك للشاعر السُّعودي بدر بن عبد المحسن:

لليل أحبك ما بقى في السما نور، والى ضواني الليل للصبح أحبك

واللحظة اللي كلَّها عِندْ وغرور، أشوف قبري بين عينك وقلبك

في صدري سراجٍ حزينٍ ومكسور، رغم المطر والريح شلته في دربك

والله ما به غير لوعاتي قصور، وخوفي عليك الله ربي وربك

ما بي جهد أبني على صمتك جسور، لا حيرتني أسباب سلمك وحربك

العمر أحبك؛ ما بقى فيني شعور، والى جفاني العمر، وشلون أحبك

قصيدة طعم المسا للشَّاعر السُّعودي ناصر القحطاني:

معك طعم المسا غير ومعك حتى السوالف غير، معك يا حلو تقليب المواجع بين كفينك

تبختر بين دقات الخفوق ونشوة التفكير، ترى كل الحياة أصغر من اللي بيني وبينك

أحس إنك تجي والعشب ينبت والطيور تطير، وأحس إن السَّحاب يلوح براقه على يدينك

أحس بروعة الدنيا وأحس إن الزمان بخير، وأحسك للحياة أعذب ندا ما انت بمثل عينك

أشوف الصبح لا شال الشفق هز الظلام عصير، وأشوف الورد يضحك ما بقى إلا ينشدك وينك

وأشوف الريح تقبل مستخفه دمها وتغير، تنثر لك شعرك وتنتثر سلَّة رياحينك

ورا ما ترقص القمرة بقلب خانه التعبير، مثل ما ترقص الألوان في مسرح فساتينك

دخيل أنشودة العشق وذنوب ترفض التفكير، دخيل أخر ربيع مرني في حضن عشرينك

أنا اللي نزلك من برجك العاجي وجاك يسير، يمد لك اليمين ولا درى عن لهفة يمينك

وأثرك تشوفني في حلمك اللي في رجا التفسير، على ذاك الحصان الأبيض اللي في ميادينك

شعرت بطعم سكينك من أول ما بدا التقدير، تمثنيت العروق وقبل أكبر جرح سكينك

لقيتك قبل ما أبحث عنك في الأبراج والتبصير، قريتك قبل أموت بلذة قراية فناجيلك

أبي للناس أسولف بك وأقول اللي يصير يصير، وأحسك سالفه لو سولفوها شوهوا زينك

حشا لو تطري الفرقا ما أعدك راعي التقصير، عزاي إني ملكت بوقتها عرش أجمل سنينك

يقولون الزمان أغبر، وأنا أقول الزمان بخير مادام اللي سكن في ناظري ما طاح من عينك

قصائد الشَّوق من الشِّعر السُّعودي

أبيات من شعر الشوق لبدر بن عبد المحسن:

يا الله لا تقطع رجا كل مشتاق

بامرك يا رب الحلم يصبح حقيقه

وأنا أدري أن الوصل تاليه لفراق

ولولا الأمل .. ما تحمل النفس ضيقه

أمس سرى في تالي الليل براق

قلبي يفز لنوضته بتخفيقه

وسمٍ بكور صادق الوبل دفاق

لو شافه الظميان يبتل ريقه

عله على دار الوفا .. دار الأشواق

دار صفت لأهل القلوب الرقيقه

فارقتهم ما ليلةٍ خاطري ضاق

واليوم للسلوان ما أجد طريقه

يا كود حرفٍ لي كتبته بالأوراق

مثل السراب اللي يسلي بريقه

والله لو كل المخاليق عشاق

ما شفت لك نفسٍ تعذب دقيقه

أبيات الشَّاعر السُّعودي زايد الرويس وأشواقه:

ست الأحباب شوفيني هنا محتريك ألعن البعد وسنينه على ساعته

عاشقك من كثر ما هو بمجنون فيك حط حيله فدخانه وولاعته

يا أجمل أيام عمري عاشقك يفتديك يشتري كل دمعة حزن ما باعته

اسمعي حزن صمتي لا انتهى يبتديك، صرت ما أطيق جوالي وسمَّاعته

كل دقة تدق في قلـب زايـد تبيـك، وكل دمعـة معلقها فشمّاعته

لو حضن منك تنهيدك ولمسة يديـك كان دنياه في غيبتك مـا لاعته

اختلط فرحي بحزني وانا محتريـك والأكيد إني العن بُعدك وساعته

3

أجمل أبيات الشِّعر السُّعودي عن حب الوطن

كذلك نجد للقصائد الوطنية حصَّة كبيرة من الشِّعر السُّعودي الشَّعبي، ومنها أبيات الشَّاعر السُّعودي راشد الرشيدي:

يا اجمل وطن يا اكرم وطن يا اطهر وطن يا اغلا وطن

يدوم عزَّك يا وطن في ظل قادات ومَلَكْ

أرضك فراشٍ عن لهيب القيض ولحافه مزن، ما مثلك ولا لك شبيهً في مدارات الفلك

يا فخر كل المسلمين الله يجنبك الفتن، للعزِّ رفرف يا علم والى لنا ملكك والك

صباح الخير يا بلادي للشَّاعر فهد المساعد:

مـع كلّ نسـمة صباح أقوم وإيديّه ترفع بعضها كذا، وأقول وأنادي

الله يسعد صباحـك يا الـسُّعوديةْ، عساه والله صباح الخير يا بـلادي

يا دروب الأرض لعناق السماء، ياجداول مـاء لحكاية ظمأ

يا الكلام اللي عجزنا نبتديه، من يقول إنك كما غيثٍ هما

إنتي لا قبلك ولا بعدك كما؛ علمينا كيف نلقى لك شبيه

يا بلدنا وين نلقى لـك شبيه في وميض البرق لا سال الغمام؟

في شعاع الشمس لا شق الظلام؟، في ابتسامة شايبٍ صلَّى ونام؟

في المحبَّة في السماحة والا في معنى السَّلام

يا بلدنا صعب نلقى لك شبيه، وانتي اللي لا ذكرنا إنك بلدنا

نرتبك حب وغلا ونتلعثم بالكلام.

أنا السعودي للشاعر الأمير خالد الفيصل:

أنا السُّعودي رايتي رمز الإسلام، وأنا العرب واصل العروبةْ بلادي

وأنا سليل المجد من بدء الأيام الناس تشهد لي ويشهد جهادي

دستوري القرآن؛ قانون ونظام وسنَّة نبي الله لنا خير هادي

أمشي على الدنيا وأنا رافع الهام، وافخر على العالم وأنا أجني حصادي

إذا اتأخر بعضهم رحت قدَّام، وإذا توارى خايفٍ قمت بادي

إن جيت ساحات الوغى صرت قدَّام، وإن صرت بحالي فلا نيب عادي

وأظهر على غيري إذا صرت بزحام، عقيد قومٍ بالطبيعة ريادي

قصيدة يا وطن للشاعر مهدي آل حيدر:

يا وطن حييت بالخير وعيون الصبايا، ما بعد عزَّتك عِزَّه ولا بعدك رفاعةْ

والله إن الشِّعر يآتي على عذب السجايا، كل ما أبحرنا لعينك وفلينا شراعه

فإن كتبنا عن عطاياك يا سيد العطايا، مزبن اللي ظامه الوقت وأظنته المجاعةْ

وإن كتبنا عن مزاياك يا كثر المزايا، يكفي إن النور منك ملا الدنيا شعاعه

قادك رجالٍ ليا وَقفتْ سوَّت سوايا، نسل شيخٍ ما تقاصر على البطولات باعه

علمونا أن الوطن دم ورجاله خلايا، وإن من يرخص دمه ما على وجهه شفاعه

يا وطن لا عز شعبٍ تروعه المنايا، والمنايا دون حدك لنا حقٍ وطاعةْ

قربوا منا الدهايا وحن ساس الدهايا، ما ربينا في ترابك على غير الشجاعةْ

والحسود اللي حكا فيك شغله بالحكايا، هذي أطباعه و إذا ودك نغيِّر أطباعه

من بلانا راح ما عاد من عزَّه بقايا، قام من هجعة منامه يدوِّر للفراعه

يا وطنا والله إنا على صدق النوايا، من تقوَّت لك ذراعه كسرنا له ذراعه

والبشر ما تجهل النا إذا جينا فدايا، نقلِّب الدنيا على راسها في نصف ساعةْ

دام حبك في دمانا ويلعب بالحنايا، والله إن تبقى على عز وأمجاد ومناعةْ

قالوا إنا بدو؟! قلنا على روس البرايا، بدو نعرف نقطع الراس لا حان انقطاعه

وإن بغينا شمّخ الروس نجعلها وطايا، ما على الأرض مثل السُّعودي وارتفاعه

يا وطن حييت بالخير وعيون الصبايا ما بعد عزتك عزَّة ولا بعدك رفاعةْ

تعدد مواضيع الشعر السعودي

العيش والملح للشاعر فهد مساعد:

هذا انت خنت العيش والملح يامن، تسب ناسٍ خانوا الملح والعيش!

كنت أحسبك، وش أحسبك! كنت ضامن إنك تداري خاطري لو على ويش!!

ماكنت أظنك قاسي القلب لامن، ضاقت علي وجيت لك قلت لي: ليش

وش ليش؟؟ أنا ما بي لك أيّة تضامن، مابي لك إلا ضحكةٍ كلها طيش

مابي لك إلا ضحكةٍ لو تزامن مع ضيقتي طارت هموم وخفافيش

أرقد بها عن غدر الأيام وامن، وأحيا بها مدري بها أموت وأعيش !

واسجّ فيها عن هوى كـل طامن وأروي بها عروقٍ عليها معاطـيش

بس انت خنت العيش والملح يامن تسب ناسٍ خانوا الملح والعيش!!

صديق الطفولة طلال الرشيد:

صديق الطفولة وش جرى لك مع الأيام، هـي أنصفت دنياك والا أنت بك مثلي؟!

فقدنا ملامحنا مثل سـاير الأنام، عبث بنا جور الزمن والزمن يبلي

وقفنا جميع وبيننا حاجز الأعوام، صعيبٍ وصولي لك.. ويا صعب لك وصلي

وأنا أشوف في وجهك طريق غشاه عتام، وذاك النخل وأشوف دارك ودار أهـلي

وسدره هي أكرم من أهل بيتها اللوام، وفي وجهك أصحابي، عصى مدرسي، وفصلي

وعودٍ كبير ودايمٍ في الظلال ينام، فـي ذكرياتي له بعد ملمح وجلي

وسـور كتبنا فيه ذكرى عبث وأوهام، ولي في عيونك صـورة زانها جهلي

بثوب تبلل بالمطر والتراب وشـام، وأنا حب أسير الْعَب وهـي حافيه رجلي

أنا وانت طفل وطفل دايم رضـى وخصـام، بكانا سهل والضحكة أمرٍ بعد سهلي

دعاني بوجهك نادهٍ ينده الأحلام، معاه رمح مدري هو علي غاضـب أو لأجلي

أنا كيف أباصل والأمل خلـف مو قدام، كثير الأسـى والسِّهد يا من فعل فعلي!

نصيحة الشاعر السُّعودي عبد العزيز بن سعود:

من لا رفع لك بالملاقاة ذراعه نزِّه يمينك عن ملامس يمينه

لا صار باعك خمس أبواع باعه خلَّه يوفي بالمقاييس دينه!

سنبوق ينشر وسط بحرك شراعه، وموج البحر لاهج غرق سفينه

وش وهقه يعرض رخيص البضاعةْ في شوق غالي والفوارق ثمينةْ

من لا يزَّك لوك تغليه باعه، مبداك العزيزةْ والنفس الحصينةْ

من لا رضخ لك ليش تعطيه طاعة، وتحط نفسك في يمينه رهينةْ؟!

خذها نصيحة من مجرب وداعه، من يعينك تنهزع لا تعينه

واحفظ لنفسك عزَّتِك والمناعةْ، واضحك ولو إن المشاعر حزينةْ

الشاعر السعودي  عبد الرحمن بن مساعد وقصيدة احترامي للحرامي:

احترامي للحرامي صاحب المجد العصامي

صبر مع حنكة وحيطة، وابتدى بسرقة بسيطة

وبعدها سرقة بسيطة، وبعدها تَعدى محيطه

وصار في الصف الأمامي، احترامي للحرامي

احترامي للحرامي صاحب المجد العصامي

صاحب النفس العفيفة، صاحب اليد النظيفة

جاب هالثروة المخيفة، من معاشه في الوظيفة

وصار في الصف الأمامي، احترامي للحرامي

احترامي للحرامي، صاحب المجد العصامي

يولي تطبيق النظام أولوية واهتمام

ما يقرب للحرام، إلا في جنح الظلام

صار في الصف الأمامي، احترامي للحرامي

احترامي للحرامي، صاحب المجد العصامي

يسرق بهمة دؤوبة، يكدح ويملي جيوبه

يعرق ويرجي المثوبة، ما يخاف من العقوبة

صار في الصف الأمامي، احترامي للحرامي

احترامي للحرامي، صاحب المجد العصامي

صار يحكي في الفضا، عن نزاهة ما مضى

وكيف آمن بالقضا، وغير حقه ما ارتضى

صار في الصف الأمامي، احترامي للحرامي

احترامي للنكوص عن قوانين ونصوص

احترامي للفساد وأكل أموال العباد

والجشع والازدياد والتحول في البلاد

من عمومي للخصوص… احترامي للصوص!!

قصيدة لناقد الشعر الأمير خالد الفيصل:

ناقد الأشعار لك مني سلام، والتحية للفكر والاحترام

فرحتي لا شفت لك راين جديد، أو نظرت لبعض شعري باهتمام

يا رفيق الحرف في دنيا القصيد عشقتي ويّاك في عذب الكلام

أنظم النظرة بخفقات القلوب، وانت تنثرها دموعن وابتسام

القمر والليل وأمواج البحر والزهر والغيم وأصوات الحمام

والصقر والريم والغوج الأصيل، والصحاري لا زمت فيها الخيام

هي هواي اللي أغني له طرب، هي من أيام الصبا عندي غرام

أكتب الإنسان بألوان الحروف، في حقيقة علم وغيبة هيام

أتصيّد خاطرن عند السحر، أو وميض الفكر في جنح الظلام

وأمزج شعوري مع حسن القبيل، في قصيدن مثل ندّاي الغمام

ناقدي خذ حرفي وحل الرموز، وحلل المعنى بوجد المستهام

وإن لقى الهاوي خياله بالقصيد خبّره تراني حققت المرام!.

 

ختاماً… على الرغم من الاختلافات البسيطة بين اللهجة السعودية ولهجات دول الخليج العربي – حيث يتطلب تمييز مفردات لهجة عن أخرى خبرة ومعرفة – لكن الشِّعر السُّعودي الشعبي استطاع أن يصنع هوية سعودية خالصة يمكن تمييزها بسهولة كما رأينا، ونتمنى أن تشاركونا بما تحفظون من الشِّعر السعودي من خلال التعليقات.

مواضيع ذات علاقة :

ابيات شعر حب سعودية
اشعار سعودية حب
شعر سعودي حب قصير
اجمل شعر حب سعودي

شعر سعودي رومنسي
شعر سعودي عن الحب
شعر سعودي غزل

قصائد عن الحب سعودية

قصائد حب سعودية

شعر حب سعودي


التعليقات مغلقة.