مشروبات لحرق الدهون

مشروبات لحرق الدهون ونصائح لكيفية فقد الوزن برجيم الماء
رجيم الماء

مشروبات طبيعيه تساعدك علي التخسيس وحرق دهون البطن والارداف وبتزود معدلات حرق الدهون بالجسم ونصائح لفقد وزن بدووون الالتزام بدايت والتغلب علي الشهيه
((ملحوظه ممنوع شربه علي الريق لان القرفه بتسبب قرحه بالمعده))
اول طريق لعمل مشروب حارق للدهون المخزونه ويزود الحرق:

1معلقه جنزبيل ((فريش او بودر))
نصف معلقه قرفه.
1معلقه بردقوش (متوفر عند العطار)
1معلقه مرميه (متوفره عند العطار) ومفيده جدا بتزود التبويض وبتعالج تكيسات المبايض
نعناع حسب الرغبه
يغلي الاعشاب مع بعض لمده 2 دقيقه مش اكتر لان فيهم زيوت طياره ومش عاوزين الفائده تروح منهم.
يشرب 3 مرات يوميا بعد كل وجبه او في اي وقت تحبيه

ثاني طريق لعمل مشروب حرق الدهون:

1 معلقه جنزبيل
1 معلقه قرفه
نصف كوب حليب خالي دسم
يغلي الجنزبيل والقرفه لمده 2دقيقه ويضاف اليها حليب خالي الدسم حسب الرغبه عشان نقلل من حده المشروب علي المعده
يشرب 3 مرات يوميا بعد كل وجبه او في اي وقت تحبيه

فوائد المشروب:

بيضاعف معدلات الحرق جداااااا
ممتاز في الشتاء لانه بيدفي الجسم
يعطيكي نشاط وطاقه
مفيد للمفاصل
بيزود المناعه وممتاز لعلاج البرد والتهاب الحنجره
بالنسبه للمرميه ممتازه جدااا لعلاج تكيسات المبايض.

{طبعا المشروب ده مينفعش نشربه بعد المحشي والفاست فود والكنتاكي وننتظر اننا هنخس}.
المشروبات الطبيعيه اللي بيتزود الحرق لازم معاها دايت ورياضه والا مش هيكون ليها اي لزمه
لان ببساطه هي هتحرق من المخزون بجسمك مينفعش انتي تدخلي الجسم دهون جديده كده عمرك ما هتحسي بتغيير ولا كأنك بتعملي حاجه.
بالنسبه للاسئله الكتير عن مشروبات تقلل الشهيه
احب اقولكم ان مفيش مشروب بيقلل الشهيه

تقليل الشهيه بيجي منك انتي لازم يكون عندك اراده تتحكمي في شهيتك امام الاكل لو فعلا عاوزة تخسي لكن ممكن نعمل حاجه تانيه بالنسبه للشتاء الجو بارد بتجوعي كتير وبالنسبه لفتره الرضاعه برده بتجوعي كتير

هنعمل حاجه ممتازه كل ما تحسي بجوع اعملي اللي هقوله دلوقتي:

1/ اشربي مشروبات كتير هتملي المعده ومش هتحسي بجوع وكمان بالنسبه للسيدات اللي فتره الرضاعه هتكون ممتازه جداا اي مشروبات براحتك واي كميات بس بحليب خالي دسم وسكر دايت وممكن كمان تشربي يانسون واعشاب زي ما تحبي في اي وقت وبأي كميات.
2/لو شعرتي بجوع بليل ممكن تاكلي فاكهه زي البرتقال مفيد جدا للجسم وبيزود المناعه وممتاز للبشره وكمان بيملي الامعاء لانه الياف مش شرط البرتقال بس في انواع فاكهه كتير بتخسس وبتشبع في نفس الوقت منها

((البرتقال، التفاح، الكمثري، اليوسفي، الجوافه))
3/ ممكن تاكلي سلطه خضراء في العشا مثلا هتشبعك جدااا وممكن تضيفي ليها شرائح دجاج مشوي او تونه مصفاه من الزيت عشان نغير النكهه ونحب الدايت
4/ ايه رأيك نغير الفطار ممكن تفطري طبق كورن فليكس دايت ((دقيق قمح كامل يعني)) او طبق شوفان بحليب بيقلل الشهيه جداا ومفيد للجسم وبيشبع
5/ ممكن نعمل وصفه تقلل الشهيه بين الوجبات علبه زبادي خالي دسم كبيره عليها 2 معلقه شوفان كبيره عليهم معلقه عسل نحل صغيره الوصفه دي مفيده جدااا للجسم وهتخليكي تحسي بشبع ممكن نضيف ليها قطع فاكهه صغيره عشان نغير النكهه بس لو هتضيفي فاكهه هنلغي معلقه العسل.
6/لازم تشربي من 8 الي 10 اكواب مياه يومياااااااااااااا

لو عاوزة تخسي بدون بشرتك ما تتأثر لازم تشربي ميه والا وشك هيخس اوي فتره الدايت

موضوع ذات علاقة :
رجيم سريع
افضل رجيم
رجيم سهل
رجيم صحي

التعليقات مغلقة.